Ioane 8:11 - Miriam Mer Gospels 1902

¹¹ E detaut, kega, Opole, nolea kar. Iesu iako abim detager, kega, Ka ko nole mari bakeru natimili: bakeam; iako nole eruam kak.

Ioane 8:11 ပူးပေါင်းရင်းမြစ်များ

Luka 13:3

Kaka uabi detagereda, Nolea: ese uaba nole obazgeda, abkoreb uaba uridili baum.

Luka 13:5

Kaka uabi detagerare, Nolea: ese uaba nole obazgeda, abkoreb uaba uridili baum.

Luka 15:10

Kaka uabi detager, kega, Mokakalam Ade ra angela kotor ge sererege, le uit a emetu obazgeda.

Luka 15:32

Ege abkoreb mi sererege: abelelam mara le pedali, E eumida, a ko eded akaida; E badimirida, a ko erdali.

Luka 15:7

Kaka uabi detager, kega, Mokakalam gaire le kotor ge au sererege le uit a emetu obazgeda, a kebi kebi sererege nainte nain le giz barkak nole dikiapor obazgeda.

Luka 5:32

Kaka nolea tabarki ko gaire barkak tonar dabgeri, debele gaire uit le giz, ueakai uiaba obazgeda.

Luka 9:56

Abelelam Ade ra Uerem tabarki nolea dedkoli le la eded, epe E tabarki ueakai gaire le eded nagri. Ui ge bakeauare nerute utebem.

Ioane 18:36

Iesu detaut, kega, Kara baselaia nole geseplam: ese kara baselaia geseplam, gaire kara kaimeg giz ko bares, ueakai nole kari emarik gaire Iudaiaem: peirdi, kara baselaia nole abele ge lam.

Ioane 3:17

Ade nole emarida abara Uerem gesepem ko gesep mer barditug; epe mamoro gesep eded abielam.

Ioane 5:14

Abele iobaru, Iesu abi dasmer muige zogo meta, a abi detager, kega Dasmer, emetu mari nadgiri; nole uit iako ikeli, iauaeakai nole nerute au uit marim tabarki.

Ioane 8:15

Uaba erkepse irmi gem ge irmili; kaka nole nerute le erkepse irmi.