Ioane 7:39 - Miriam Mer Gospels 1902

³⁹ E detager abele Lamar Zogolam, uiaba gaire le abi oituli ko erpei abele. Lamar Zogo nole tabarki; abelelam Iesu nole eded akaida.

Ioane 7:39 ပူးပေါင်းရင်းမြစ်များ

Mataio 16:14

Uiaba abi detagerare, Uader le la mer, mama Ioane Bapataiso; a uader le, mama Elia; a uader le, Ieremia, pako nerute perofeta.

Mataio 21:11

Ege le lakub uiaba kega, Abele Iesu ike, Nazareta perofeta, Galilaialam.

Luka 24:49

Dasmer, kaka uabim namarida nerute le, kara Aba uabi uadetomertare: debele uaba emeri abele uteb, nei Ierusalema, iaueakai uaba nagri adigir kotor ge.

Luka 3:16

Ege Ioane de daratagerare, kega, Kai uabi bapataiso ni ge; ia nerute le tabakeam aule kari tumge, nole abkoreb kaka detue abara teter gab mukub: E uabi bapataiso abele Lamar Zogo, gako abele ur:

Luka 7:16

Ege uiaba uridili au geum: ege uiaba Adim naospered, kega, Ege E ekue meribim abele perofeta, E au kale; Ade E dasmer abara ged.

Ioane 1:21

Uiaba abi itmerare, kega, Ma nete? Ma Elia ao? E etkalu, kega, Kaka nolea. Ma perofeta ao? E etkalu, Nolea.

Ioane 1:25

Uiaba abi itmerare, a abi detagerare, kega, Nalugem ma bapataiso, ese ma nole Keriso, a nole Elia, a nole nerute perofeta?

Ioane 1:33

Kaka nole abi ardar kak: epe E dali kari taramarida ko bapataiso ni de, E kari natager, kega, Abele le ma dasmer Lamar Zogo ueeperoa abi kerem ge ueegimurua, E dali bapataiso Lamar Zogo de.

Ioane 12:16

Abara kaimeg giz nole akmer kak abele gaire lu gizlam: epe emetu Iesu despereda, uiaba dikiapor, kega, Emetu detali abele gaire lu abielam, a emetu uiaba ikerare abele gaire lu abim.

Ioane 12:23

Iesu uiabim detaut, kega, Kerker idali, Le la Uerem despili.

Ioane 14:13

Gaire lu uridili ua damsare kara nei ge, kaka ikeli abele, ueakai Aba despili Uermet.

Ioane 14:26

Abele Upiatidar, Lamar Zogo, Baba de ko namarida kari nei ge, E ko uabi dereuered gaire lu uridili, a ko uabim dikiaporare gaire lu uridili kaka uabi detager.

Ioane 16:14

E ko kari naospili: abelelam E ko tais karielam, a uabi detomertare.

Ioane 16:7

Ege kaka uabi detager ageakar, kega, Debele uabim kaka bakeam: abelelam ese kaka nole bakeam, Upiatidar nole tabarki uabim: ese kaka bakeam, kaka ko abi emarida uabim.

Ioane 17:1

Iesu abele gaire mer detaut; a E kotor dimirualu, a detaut, kega, Baba, kerker tabarki; mara Uerem despili, ueakai Uermet mari naospili.

Ioane 17:5

Baba, peirdi, kari naospili mara kemem zorom ge meribielam emeret ge, nole geseb kak.

Ioane 20:22

E emetu abele detager, E uiabim nerezi, a detager, kega, Lamar Zogo egaret:

Ioane 6:14

Emetu gaire le dasmer abele atamelam Iesu de ikeli, uiaba detager, kega, Ageakar, perofeta idali, emetu detaut ko uatabu gesepem.

Ioane 7:12

Gaire le lakub abim basardare: uader detaut, kega, E debele; a uader, kega, Nolea, E gaire le didmirki.

Ioane 8:54

Iesu detaut, kega, Ese kaka karababu baospili, nole ageakar karababu naospili: kara Aba kari naospili; E dali uaba detaut uaba Ade;