Ioane 7:33 - Miriam Mer Gospels 1902

³³ Iesu uiabim detaut, kega, Teupai kaka uabi dog emri, kerker maike kaka abim bakeamulu, kari namarida.

Ioane 7:33 ပူးပေါင်းရင်းမြစ်များ

MAREKO 16:19

Iesu Opole emetu uiabim daratagereda, iako abim bakuarda kotorem, a Ade ra tuter tag emeri.

Ioane 13:1

Paseka nole aker kak, Iesu umele abara kerker tabarki ko bakeamulu geseplam tabara Abem, E emetu tabara boai omare gesepem, E uiabi omare, a mop ge tabarki.

Ioane 13:3

Iesu umele Aba de nakuar abi tagem gaire lu uridili, pako E Adelam, a E Adim iako bakeam,

Ioane 13:33

Omasker, teupei kaka uabi dog. Uaba ko kari naraimili; mokakalam kaka Iudaia giz detaut, mokakalam kaka uabi detaut peirdi, kega, Abele uteb kaka bakeamulu, uaba umer kak ko bakeam.

Ioane 14:12

Ageakar, ageakar, kaka uabi detager, kega, Abele le karim oituli, gaire dorge kaka ikeli, E ko ikeli: epe E ko au ikeli tumem abele, abelelam kaka nabakeamulu karba Abem.

Ioane 14:19

Menaba gesep nole kari asmer kak; epe uaba kari nasmerare: abelelam kaka eded, ua ko eded.

Ioane 14:28

Uaba emetu asoli kaka uabi detager, kega, Kai nabakeamulu, kaka iako tabakeam uabim. Ese uaba kari lag, uaba ko sererge kara mer, kega, Kaka Abem nabakeamulu: abelelam kara Aba aule kari tumge.

Ioane 16:10

Barkaklam, abelelam kaka Babaim bakeam, uaba nole iako kari asmer kak:

Ioane 16:28

Kaka nabue Babalam, a gesepem tabarki: kaka iako geseb dekaelu, a Abem bakeam.

Ioane 16:5

Peirdi kai nabakeamulu abim kari namarida: nole nerute le uabielam kari eutumer, kega, Mai na gedim bakeam?

Ioane 17:11

Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.

Ioane 17:13

Peirdi, kai marim nabakeamulu: kaka detaut abele mer abele geseb ge, ueakai kara sererge bakedida uiaba nerkep.

Ioane 20:17

Iesu abi detaut, kega, Nole kari atutir kak; abelelam kaka nole karba Babim ogi: bakeamulu uiabim kara keimer giz, a uiabi daratagerare, kega, Kaka Abem pako uaba Aba ogi, kara Ade a uaba Ade.

Ioane 9:4

Meriba dorge ko ikerare abara dorge, kari namarida, gerger ge; ki ko tabarki, nole le umer kak dorge ikeli.