Ioane 7:31 - Miriam Mer Gospels 1902

³¹ Gaire lekublam abi oituli; uiaba detager, kega, Ese Keriso tabarki, nako, E ko ikeli gaire atamelam tumem E ikeli?

Ioane 7:31 ပူးပေါင်းရင်းမြစ်များ

Mataio 12:23

Ege gaire le lakub uridili abi damered, a uiaba mer, kega, Nako nole Dauida ra Uerem pedali?

Luka 8:13

Abele uader tumem neid ge, uiaba abole mer asoli, a sobkak sererege erpei; a uiaba nolea sip kak, a uiaba no neisi neisi gerger oituli, abele gerger mirem tabarki, uiaba sobkak bakesmeri.

Ioane 11:45

Iudaia giz Mariaem tabaruda dasmerare gaire lu Iesu de ikerer, uader abi oituli.

Ioane 12:11

Abelelam gaire Iudaia bakeuare, a Iesu oituli abielam.

Ioane 12:42

Gaire uiabielam tarim le abi oituli; epe uiaba nole etomeret kak gaire Faresaiolam, uiabi amulam sunagolam:

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 4:29

Tabakeuare, dasmerare abele le kari natagere gaire lu kaka ikeli: nako, Keriso dali?

Ioane 4:39

Gaire Samaria le abi oituli abele uteblam, abele kosker merlam, kega, E kari natager gaire lu uridili kaka ikeli.

Ioane 6:2

Gaire le netate gedim abi irmili, abelelam uiaba dasmerare gaire atamelam E ekere, tumem gaire gim le.

Ioane 7:26

Dasmer, E paret kak mer detautili, a uiaba nole nerute mer abi detaut, Nako, gaire kole umele, kega, Keriso kar idali?

Ioane 9:16

Uader Faresaio giz detager, kega, Abele le nole Adelam, E nole sabath irmili. Uader detaut, kega, Nako, adud le umele ikeli gaire atamelam mokakalam? Uiaba nakesmulu.