Ioane 7:28 - Miriam Mer Gospels 1902

²⁸ Iesu ereretiki zogo meta ge, E okadeskeda a detager, kega, Uaba kari umele, a uaba umele kaka nagelam; kaka nole karbabu tabarki, E ageakar, kari namarida, a uaba abi umer kak.

Ioane 7:28 ပူးပေါင်းရင်းမြစ်များ

Mataio 11:27

Kara Aba kari nakuarare gaire lu uridili; nole le erdali abele Uerem, epe abele Aba; a nole le erdali abele Aba, epe Uerem tepteb, pako nerute le Uerem lagelag abi etomeret.

Mataio 2:23

A E bakeam nerute uteb nei Nazareta E emerilu; ga akailu abele gaire perofeta ra mer, kega, E nei etkeroa Nazareta le.

Mataio 26:55

Peirdi abele haua kige, Iesu detager gaire le lakub, Nako uaba karim tabakeuare, gaire teibur aososo tulik, pako gabgab ko erpei mokakalam idikeda le ise? Meriba bamer abele zogo meta, kaka uabi ereuerem gaire gerger, a uaba nole kari erpei.

Luka 10:22

Ege kara Aba gaire lu E kari naisuer: nole le ardar kak abele Uerem, epe abara Aba; nole le erdali abele Aba epe abara Uerem, pako nerute le abara Uerem E lagelage abi etomeret.

Luka 2:11

Abelelam ge abele gerger ge eosmelu, Dauida uteb ge, Iesu Keriso, uaba Azigmoareta.

Luka 2:39

Ege ui ge eseamulei gaire lu ikeli abkoreb Iehoua ra gelar giz, epe ui ge akomelei Galilaiaem, uiaba uteb Nazareta.

Luka 2:4

Ege Iosefa ge tabakeamulu Galilaia, Nazareta uteblam, Iudaiaim Dauida ra uteb, nei atker Bethelema, abelelam Dauida ra boai abara kus;

Luka 2:51

Ege ui ge okakis bakeauare Nazareta tabarki; a uiaba memeg: ege apu ge gaire lu giz nerkep derpeilare.

Ioane 1:46

Nathaniela de abi detager, kega, Nako, umelo nerute debe lu ua tabakeamur Nazaretalam? Filipo abi detager, Ma tabakeam dasmer.

Ioane 10:36

Nako, uaba detager abi abei abele Aba zogoem a gesepem namarida, kega, Ma baospili; abelelam kaka detager, kega, Kaka Ade ra Uerem?

Ioane 12:49

Kaka nole karbabu detaut; epe Baba de kari namarida, E kari gelar nakuar abele lu kaka ko detager, a detaut.

Ioane 14:10

Nako, ma nole dikiapor kak, kaka muige Abaim, pako Aba karim muige? Abele gaire lu kaka uabi detager, kaka nole karbabu detager; epe Baba kari muige, E ikeli abele gaire dorge.

Ioane 14:31

Ueakai geseb umele kaka Babe lag, a kaka ikeli mokakalam Baba de kari mer tigri. Tekue, nabakeuare.

Ioane 16:3

Uiaba ko ikeli abele gaire lu, abelelam uiaba nole umer kak Aba, a kaka.

Ioane 17:25

Geseb ge nole mari opasereret kak, Aba barkak: epe kaka mari opasereret, a uiaba umele mama kari namarida.

Ioane 17:3

Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 3:33

Abele le abara ageakarem erpei, E dedkomet, kega, Ade ageakar.

Ioane 5:32

Debele nerute karim ageakarem; kaka umele ageakar, abele mer E karim ageakarem.

Ioane 5:43

Kaka tabarki karba Aba ra nei ge, uaba nole kari agaret kak: ese nerute le tabarki taba nei ge, uaba ko abi egaret.

Ioane 6:42

Uiaba detaut, kega, Nako, nole Iesu pedali, Iosefa ra uerem, pe nako, meriba nole umer kak abara aba a apu? nalugem E detaut, kega, Kaka kotorlam tarabu?

Ioane 7:14

Uetpur ge eipu, Iesu zogo metaem bakeamuda, a okadaraskeda.

Ioane 8:14

Iesu uiabim detaut, kega, Ese karababu kari ageakarem, kara mer ageakar; abelelam kaka umele kaka nagelam, a kai na gedim bakeam; uaba nole umer kak kaka nagelam, a kai na gedim bakeam.

Ioane 8:16

Ese kaka erkepse irmi, ageakar kaka erkepse irmi; abelelam kaka nole tepteb, epe kaka pako Baba, kari namarida.

Ioane 8:19

Uiaba abi detautare, kega, Mara Aba nade? Iesu detaut, Uaba nole kari umer kak, a kara Aba: ese uaba kari umele, uaba kara Aba umele.

Ioane 8:26

Kaka nagri dordor lu ko detager, a ko dikiapor uabim: E ageakar, kari namarida; kaka gesepem detager gaire lu kaka asoli abielam.

Ioane 8:42

Iesu uiabim detaut, kega, Ese Ade uaba Aba, uaba ko kari lag: abelelam kaka nabue, a ge tabarki Adelam; kaka nole karbabu tabarki, epe E kari namarida.

Ioane 9:29

Keriba umele Ade Mose detaut: epe ki umer kak nagelam abele le dali.