Ioane 6:9 - Miriam Mer Gospels 1902

⁹ Nerute makeriam ike nagri faif areto kon, a neisi lar: epe nako dali uiabim gaire le lakub mokakalam?

Ioane 6:9 ပူးပေါင်းရင်းမြစ်များ

Mataio 14:17

Ege uiaba abim detautare, Meriba nole leuer kak ike, epe no areto faif, a neis lar.

Mataio 16:9

Nako uaba mena asor kak, a uaba nole dikiapor faife areto, pako faife thausan le, naket epei arota?

MAREKO 6:38

E uiabi detagereda, kega, Naket areto uabi dog? bakeam dasmer. Uiaba edali, a detager, kega, Faif, a neis lar.

MAREKO 8:19

Ababurge kaka faif areto itiri uiabim faif thausan, naket epei osmeda uaba etaker abele leuer mog? Uiaba abi detager, kega, Tuelf.

Luka 9:13

Ege E uiabi detager, kega, Uaba uiabi leuer ikuar. Ege uiaba abi detager, kega, Meriba nolea leuer kak, no faif areto a lar neisi; debele keriba ko bakeamu leuer terapei uiabim peike gaire le lakub.

Ioane 11:21

Maretha Iesu detager, kega, Kole, ese ma ge emri, kara berbet nole eud kak.

Ioane 11:32

Maria tabarki Iesu dog, a abi dasmer, E ekesmer abara teter ge, a abi detager, kega, Opole, ese ma ge emri, kara berbet nole eud kak.

Ioane 21:10

Iesu uiabi detager, kega, Uader lar kei tais uaba asaperem peirdi.

Ioane 21:13

Iesu tabakeamulu leuer ais, a uiabi ikuar pako lar kem.

Ioane 21:9

Uiaba gesepem tabarki, uiaba ur dasmer, a lar tumge, pako leuer.

Ioane 6:11

Iesu gaire areto ekau; emetu esoao, E kaimeg giz naisuerare, a uiaba gaire le bamer naisuerare; a neisi lar ko, abkoreb uiaba lag.

Ioane 6:7

Filipo abi detaut, kega, Nole uiaba abkoreb abele leuer terapei tu handed denari, iauaekai uiaba nagri kebi leuer mog.