Ioane 6:70 - Miriam Mer Gospels 1902

⁷⁰ Iesu uiabi detaut, kega, Nako kaka uabi iterare tuelf le, a nerute uaba diabolo?

Ioane 6:70 ပူးပေါင်းရင်းမြစ်များ

Ioane 13:18

Kaka nole uaba uridili detager: kaka umele gaire le kaka dabgered: ueakai bakedida mer detali kega, Abele le kari dog leuer ero, E emetu abara teter kari natiri.

Ioane 13:2

Kikem leuer ero, diabolo ikedi Iuda Isakariota ra nerkep, Simona ra uerem, ko abi keserkeser,

Ioane 13:21

Emetu Iesu abele detaut, abara lamar okasosok, E daratagerare, kega, Ageakar, ageakar, kaka uabi detager, nerute uabielam ko kari keserkeser.

Ioane 13:27

Abele mog leuer iobaru, Satana abi nerkep balu. Iesu abi detaut, kega, Abele lu ma ko ikeli, elele ikeli.

Ioane 15:16

Uaba nole kari natarare, epe kaka uabi ditararda, a uabi depegereda, ueakai ua bakuare turum turum, a uaba turum niaiem tekue: ueakai Baba de ua dekuarare gaire lu uridili ua abi damsare kari neilam.

Ioane 15:19

Ese uaba geseplam, geseb ko lagelag abara boai: abelelam uaba nole geseplam, epe kaka uabi depegerare geseplam, abelelam geseb uabi derar.

Ioane 17:12

Kaka mena uiabi dog geseb ge, kaka uiabi nasesered mara nei ge: kaka uiabi nasesered mama kari nakuar, nole nerute abi kak, eud uerem tepteb abi; ueakai bakedida abele zogo mer emetu detali.

Ioane 2:2

Uiaba Iesu a abara kaimeg giz taraisare abele aspirem.

Ioane 20:24

Toma, nerute tuelf lelam, nei atker Didumo, nole uiabi dog kerker Iesu tabarki.

Ioane 6:64

Uader uabielam nole oatur kak. Iesu umele gizlam uiaba nole oatur kak, a abele le abi keserkeser.

Ioane 6:67

Iesu tuelf le detagereda, kega, Nako uaba ko laglag akomeda?

Ioane 6:71

E Iudalam detager, Simona Isakariota ra uerem: abelelam E ko abi keserker, E nerute tuelf lelam.

Ioane 8:44

Uaba uaba abalam diabolo, uaba lagelag uaba abara lag ikeli. E dipe le gizelam, a nole ageakar, abelelam nole nerute ageakar abi dog. Ese E bes mer detaut, E detaut tababielam; abelelam E besbes, a aba bes apu.