Ioane 6:53 - Miriam Mer Gospels 1902

⁵³ Iesu uiabi detaut, kega, Ageakar, ageakar, kaka uabi detagereda, ese uaba nole eroli Le la Uerem ra gem, pako abara mam ere, uaba nole eded kak muige uaba nerkep ge.

Ioane 6:53 ပူးပေါင်းရင်းမြစ်များ

Mataio 18:3

A uiaba kega, Ageakar kaka uabi detager, Ese uaba nole depegeli a ko mokakalam kebile ise, umer kak uaba bao abele kotor baselaia ge.

Mataio 5:18

Abelelam a ageakar kaka uabi detagered, Eseamulu abele kotor ge gako abele gesep ge, epe nole aseamur kak abele iota, gako kebi uar mog abele gelar giz, a mena bakedida gaire lu uridili.

Mataio 8:20

Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.

Luka 13:3

Kaka uabi detagereda, Nolea: ese uaba nole obazgeda, abkoreb uaba uridili baum.

Luka 13:5

Kaka uabi detagerare, Nolea: ese uaba nole obazgeda, abkoreb uaba uridili baum.

Ioane 13:8

Peteru abi detaut, kega, Ma nole kara neisi teter dedered niai karem. Iesu abi detaut, kega, Ese kaka nole mari dedered, ma nole lu kak nagri kari dog.

Ioane 15:4

Uaba bameri kara nerkep ge, a kaka uabi nerkep ge emri. Mokakalam tam nole umer kak tababu turum, ese nole ekpi uina ge; a mokakalam uaba nole umer kak, ese nole kara nerkep ge bameri.

Ioane 3:3

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 3:5

Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.

Ioane 6:47

Ageakar, ageakar, kaka uabi detagereda, kega, Abele le karim oituli, E nagri eded aseamur kak.

Ioane 6:51

Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.

Ioane 6:55

Abelelam kara gem leuer kar, a kara mam ni kar.

Ioane 6:62

Nako, ese uaba dasmer Le la Uerem abara emeret utebem ogi?