Ioane 6:51 - Miriam Mer Gospels 1902

⁵¹ Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.

Ioane 6:51 ပူးပေါင်းရင်းမြစ်များ

Mataio 20:28

Mokakalam Le la Uerem nole tabarki memeg le taraisare, a E uiaba memeg le, a ko ikuar abara eded bodomalam gaire le giz.

Luka 22:19

E areto ekao, a esoao, a itur, a uiabi nakuarare, a uiabi daratagerare, kega, Kara gem peike, E uabi nakuarare: uaba ikeli kara atamelam.

Ioane 1:14

Logo depeger le gem ise, a E meribi dog emrilu, (a keriba abara zorom dasmerare, zorom mokakalam Aba ra Uerem netat,) mitkar omare, a ageakar.

Ioane 1:29

Iuoakaer, Ioane de Iesu dasmer abim tabakeam, a E detager, kega, A ma dasmer Ade ra Arenio, ko adem dikri gaire geseb uit!

Ioane 11:26

Abele le eded karielam, pako karim oituli, E nole eud kak niaiem niai karem. Nako, ma egaret abele mer?

Ioane 3:13

Nole nerute le ogi kotorem, epe mamoro E kotorlam uatabu, abele Le la Uerem kotor ge emri.

Ioane 3:14

Mokakalam Mose taba armem agisilu abele soge purge, pako mokakalam Le la Uerem ko arem agisilu:

Ioane 3:16

Abele absaimarsaimar Ade ra omare gesepem, gako E ikuar abara Uerem netate, epe nole eud kak, abele le abi oituli, mamoro E nagri eded aseamur kak.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 5:24

Ageakar, ageakar, kaka uabi detagereda, kega, Abele le kara mer asoli, a abi oituli kari namarida, E nagri eded aseamur kak, a nole itmer bau, E emetu bakeam eudelam ededem.

Ioane 6:33

Abelelam Ade ra areto dali kotorlam tabi, a eded nakuarare gesepem.

Ioane 6:35

Iesu uiabi detager, kega, Kaka eded areto: abele le karim tabakeam, E nole iako uererge: abele le karim oituli, E nole iako ni ap.

Ioane 6:41

Iudaia le giz abi gumik mer atagere, abelelam E detaut, kega, Kaka areto kotorlam tarabu.

Ioane 6:47

Ageakar, ageakar, kaka uabi detagereda, kega, Abele le karim oituli, E nagri eded aseamur kak.

Ioane 6:48

Kaka eded areto.

Ioane 6:50

Abele areto kotorlam tabu, ese le eroli, E nole eud kak.

Ioane 7:38

Abele le karim oituli, mokakalam zogo jauali detager, kega, Edede ni ko babusdarie abi nerkeplam.