Ioane 6:47 - Miriam Mer Gospels 1902

⁴⁷ Ageakar, ageakar, kaka uabi detagereda, kega, Abele le karim oituli, E nagri eded aseamur kak.

Ioane 6:47 ပူးပေါင်းရင်းမြစ်များ

Ioane 11:26

Abele le eded karielam, pako karim oituli, E nole eud kak niaiem niai karem. Nako, ma egaret abele mer?

Ioane 14:19

Menaba gesep nole kari asmer kak; epe uaba kari nasmerare: abelelam kaka eded, ua ko eded.

Ioane 3:16

Abele absaimarsaimar Ade ra omare gesepem, gako E ikuar abara Uerem netate, epe nole eud kak, abele le abi oituli, mamoro E nagri eded aseamur kak.

Ioane 3:18

Abele le abi oituli nole mer barditug abim: abele le nole oatur kak emetu mer barditug abim, abelelam E nole oatur kak abele nei Ade ra Uerem netate.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 5:24

Ageakar, ageakar, kaka uabi detagereda, kega, Abele le kara mer asoli, a abi oituli kari namarida, E nagri eded aseamur kak, a nole itmer bau, E emetu bakeam eudelam ededem.

Ioane 6:27

Nole sagim kak buzbuz leuer, epe mamoro niai leuer, a tabarki eded aseamur kak, Le la Uerem ko uabi ikuar; abelelam Baba, pe Ade, abi detakobi.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.

Ioane 6:50

Abele areto kotorlam tabu, ese le eroli, E nole eud kak.

Ioane 6:51

Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.

Ioane 6:54

Abele le kara gem eroli, pako kara mam ere, E nagri eded aseamur kak; epe kaka ko abi ekiamda keubu gerger ge.

Ioane 6:58

Abele areto kotorlam tarabu: nole mokakalam kaied giz erolare, gako baum: abele le areto idali eroli ko eded niai karem.