Ioane 6:40 - Miriam Mer Gospels 1902

⁴⁰ Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.

Ioane 6:40 ပူးပေါင်းရင်းမြစ်များ

Mataio 10:15

Ageakar kaka uabi detagered, Abele itimer gerger kebi bodomalam Sodomaem a Gomoraem tumem abele uteb ge.

Mataio 25:46

Ege uiaba bakeuare peike abele asias niai karem: epe barkak tonar le giz ko bakeuare abele eded niai karem.

MAREKO 16:16

Ese nerute le oituli, a emetu bapataiso, E ko eded: ese nerute le nole oatur kak, E ko eumilu.

Luka 2:30

Abelelam kara pone emetu dasmer abele mara azigmoaret,

Ioane 1:14

Logo depeger le gem ise, a E meribi dog emrilu, (a keriba abara zorom dasmerare, zorom mokakalam Aba ra Uerem netat,) mitkar omare, a ageakar.

Ioane 10:28

A Kaka ko uiabim ikuar eded aseamur kak; a uiaba nole eud kak niaiem niai karem, a nole le uiabi natkedarare kara taglam.

Ioane 11:24

Maretha abi detager, kega, Kaka umele E ko eded akaida abele keubu gerger.

Ioane 11:25

Iesu abi detaut, kega, Kaka abele eded akaida, pako eded: abele le karim oituli, ese eud, E ko eded:

Ioane 12:45

Abele le kari nasmili, E abi dasmer kari namarida.

Ioane 12:50

Kaka umele eded aseamur kak abara gelar; abele gaire mer kaka detager, abkoreb Baba de kari nataut, eko kaka detaut.

Ioane 14:17

Abele ageakar Lamar: gesep umer kak abi egaret; abelelam uiaba abi asmer kak, a nole abi akmer kak: epe uaba abi umele; abelelam E uabi dog emri, a E mena dali uabi nerkep ge.

Ioane 14:19

Menaba gesep nole kari asmer kak; epe uaba kari nasmerare: abelelam kaka eded, ua ko eded.

Ioane 17:2

Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 4:14

Eko le aree abele ni kaka ikuar, E nole niap kak niai karem; abele ni kaka ko abi ikuar, mena abi kem ge ni tomeili eded aseamur kak.

Ioane 5:24

Ageakar, ageakar, kaka uabi detagereda, kega, Abele le kara mer asoli, a abi oituli kari namarida, E nagri eded aseamur kak, a nole itmer bau, E emetu bakeam eudelam ededem.

Ioane 6:27

Nole sagim kak buzbuz leuer, epe mamoro niai leuer, a tabarki eded aseamur kak, Le la Uerem ko uabi ikuar; abelelam Baba, pe Ade, abi detakobi.

Ioane 6:39

Baba ra lag peike, kari namarida, kega, Kaka nole nerute dekaerti, E kari nakuar, epe kaka ko ekiamda keubu gerger ge.

Ioane 6:44

Le nole umer kak karim tabakeam, ese nole abi egared Baba de, kari namarida: epe kaka ko abi ekiamda keubu gerger ge.

Ioane 6:54

Abele le kara gem eroli, pako kara mam ere, E nagri eded aseamur kak; epe kaka ko abi ekiamda keubu gerger ge.

Ioane 8:56

Uaba aba Aberahama sererge kara gerger dasmer; E emetu dasmer, E ko sererge.