Ioane 6:39 - Miriam Mer Gospels 1902

³⁹ Baba ra lag peike, kari namarida, kega, Kaka nole nerute dekaerti, E kari nakuar, epe kaka ko ekiamda keubu gerger ge.

Ioane 6:39 ပူးပေါင်းရင်းမြစ်များ

Mataio 10:15

Ageakar kaka uabi detagered, Abele itimer gerger kebi bodomalam Sodomaem a Gomoraem tumem abele uteb ge.

Mataio 18:14

Mokakalam uaba Aba dali kotor ge, nole lakak nerute uiaba ike kebi kale ko abi.

Luka 12:32

Uaba nolea geum kak kebi mamoe giz; abelelam uaba Aba E lagelag uabi ikuar abele baselaia.

Ioane 12:48

Abele le kari natuaki, a nole kara mer egaret, abi dog dulam: abele mer kaka detaut, E dali abi dulam keubu gerger.

Ioane 17:12

Kaka mena uiabi dog geseb ge, kaka uiabi nasesered mara nei ge: kaka uiabi nasesered mama kari nakuar, nole nerute abi kak, eud uerem tepteb abi; ueakai bakedida abele zogo mer emetu detali.

Ioane 17:2

Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.

Ioane 17:24

Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.

Ioane 17:6

Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.

Ioane 17:9

Kaka uiabielam esorerapare: kaka nole esorerapare uiabielam gesepem, epe uiaba mama kari nakuar, abelelam uiaba mara le:

Ioane 18:9

Ueakai bakedida abara mer, kega, Nole nerute le abi uiabielam mama kari nakuar.

Ioane 5:28

Nole abele ezigmada; abelelam kerker uatabu, gaire le aolam ko asoli abara kodo mer,

Ioane 6:37

Ui uridili Baba de kari nakuar ko karim tabakeuare; abele le karim tabakeam, kaka nole abi atua kak.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.

Ioane 6:44

Le nole umer kak karim tabakeam, ese nole abi egared Baba de, kari namarida: epe kaka ko abi ekiamda keubu gerger ge.

Ioane 6:54

Abele le kara gem eroli, pako kara mam ere, E nagri eded aseamur kak; epe kaka ko abi ekiamda keubu gerger ge.