Ioane 6:37 - Miriam Mer Gospels 1902

³⁷ Ui uridili Baba de kari nakuar ko karim tabakeuare; abele le karim tabakeam, kaka nole abi atua kak.

Ioane 6:37 ပူးပေါင်းရင်းမြစ်များ

Mataio 11:28

Ua karim tabakeuare uaba au asiasi, a peper lu baguarare, a kaka uabi ikuar sagim kak.

Mataio 24:24

Abelelam gaire Keriso bes tabarki, pako perofeta bes, uiaba ikerare gaire au atamelam pako adigir; iaueakai didmirik uader le emetu depegemelu, ese umele.

Ioane 17:11

Peirdi, kaka nole geseb ge emri, epe uiaba geseb ge emri, a kai marim nabakeamulu. Zogozogo Aba, uiabi asesered mara nei ge, abele uiaba ma kari nakuar, ueakai uiaba netat, meribi kaiser.

Ioane 17:2

Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.

Ioane 17:24

Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.

Ioane 17:6

Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.

Ioane 6:39

Baba ra lag peike, kari namarida, kega, Kaka nole nerute dekaerti, E kari nakuar, epe kaka ko ekiamda keubu gerger ge.

Ioane 6:65

E detaut, kega, Abelelam kaka uabi detagereda, le umer kak karim tabakeam, ese nole abi ikuar Baba de.

Ioane 9:34

Uiaba abi detaut, kega, Ma eosmeda uitelam, nako ma keribi okadeskeda? Uiaba abi imuare.