Ioane 6:29 - Miriam Mer Gospels 1902

²⁹ Iesu uiabi detaut, kega, Ade ra dorge peik, ko oituli abim, E temarida.

Ioane 6:29 ပူးပေါင်းရင်းမြစ်များ

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

MAREKO 16:16

Ese nerute le oituli, a emetu bapataiso, E ko eded: ese nerute le nole oatur kak, E ko eumilu.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 5:39

Uaba deraimerare jauali zogo ge, abelelam uaba dikiapor uaba eded nagri aseamur kak abielam; abele karim ageakarem.

Ioane 6:28

Uiaba abi detaut, kega, Nalu keriba dorge, ki ko ikeli Ade ra dorge?

Ioane 6:38

Abelelam kaka nole kotorlam tarabu ko ikeli kara lag, mamoro abara lag, E kari namarida.

Ioane 6:57

Mokakalam Baba eded kari namarida, a kaka ko eded Babalam: mokakalam abele le kari naroli, E ko eded karielam.