Ioane 6:27 - Miriam Mer Gospels 1902

²⁷ Nole sagim kak buzbuz leuer, epe mamoro niai leuer, a tabarki eded aseamur kak, Le la Uerem ko uabi ikuar; abelelam Baba, pe Ade, abi detakobi.

Ioane 6:27 ပူးပေါင်းရင်းမြစ်များ

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

Mataio 25:46

Ege uiaba bakeuare peike abele asias niai karem: epe barkak tonar le giz ko bakeuare abele eded niai karem.

Mataio 3:17

Dasmer, abele kodo mer kotorlam, kega, Kara Uerem nase ge idali, kaka au sererege abim.

Mataio 6:19

Uaba nole aukase deraimerare uaba gesep lu, a nagri degem gako lee umele eseamulu, a nagri le eroam, E abi daiui a ko eroam:

Mataio 8:20

Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.

MAREKO 1:11

Iako kodo mer uataba kotorlam, kega, Mama kara Uerem nasge, kaka mari sererege.

MAREKO 9:7

Uiaba natkamda baz de; abele kodo mer teosmeda bazelam, kega, Kara Uerem nasge idali: uaba mamor abim asoli.

Luka 3:22

Epe abele Lamar Zogo uatabu abi tumge, abara roai mokakalam dibadib ise, ege abele kodo mer kotorlam, kega, Mama kara Uerem idali; kaka mari sererege.

Luka 9:35

Le la mer teosmeda abele bazelam, kega, Kara Uerem nasge idali: uaba abim asoli.

Ioane 10:28

A Kaka ko uiabim ikuar eded aseamur kak; a uiaba nole eud kak niaiem niai karem, a nole le uiabi natkedarare kara taglam.

Ioane 11:42

Kaka umele mama mena kari asoli: kaka emetu abele detager abelelam gaire le lakub derumeda, iaueakai uiaba ko egaret ma kari namarid.

Ioane 14:6

Iesu abi detaut, kega, Kaka gab, a ageakar, a eded; nole le Abem bakeam, ese nole gab kari dog.

Ioane 15:24

Ese kaka nole ikeli gaire lu uiaba opem, nole nerute le ikeli, uiaba nole uit kak: peirdi uiaba kari nasmer, a kari naorti, pako kara Aba ko.

Ioane 17:2

Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.

Ioane 3:15

Epe gaire le abim onatareda, ko nagri eded akaida.

Ioane 3:33

Abele le abara ageakarem erpei, E dedkomet, kega, Ade ageakar.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.

Ioane 6:47

Ageakar, ageakar, kaka uabi detagereda, kega, Abele le karim oituli, E nagri eded aseamur kak.

Ioane 6:51

Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.

Ioane 6:53

Iesu uiabi detaut, kega, Ageakar, ageakar, kaka uabi detagereda, ese uaba nole eroli Le la Uerem ra gem, pako abara mam ere, uaba nole eded kak muige uaba nerkep ge.

Ioane 6:54

Abele le kara gem eroli, pako kara mam ere, E nagri eded aseamur kak; epe kaka ko abi ekiamda keubu gerger ge.

Ioane 6:58

Abele areto kotorlam tarabu: nole mokakalam kaied giz erolare, gako baum: abele le areto idali eroli ko eded niai karem.

Ioane 6:62

Nako, ese uaba dasmer Le la Uerem abara emeret utebem ogi?

Ioane 6:68

Simona Peteru abi detaut, kega, Kole, nitim keriba bakeam? mari dog gaire eded mer aseamur kak.

Ioane 8:18

Karbabu kari ageakarem, a Baba, kari namarida, kari ageakarem.