Ioane 6:2 - Miriam Mer Gospels 1902

² Gaire le netate gedim abi irmili, abelelam uiaba dasmerare gaire atamelam E ekere, tumem gaire gim le.

Ioane 6:2 ပူးပေါင်းရင်းမြစ်များ

Mataio 12:15

Ege Iesu erdali, epe bakeamulu adem abele uteblam; a gaire le lakub abi irmilare, E uiabi uridili idigir,

Mataio 13:2

Ege gaire le lakub netat gedim abim, abelelam E bakeam ekauerti abele nar, a emeri, a gaire le lakub uridili tekuei abele gur dege.

Mataio 14:14

Ege Iesu bakeamulu, a uiaba nardarare abele gaire le lakub, abara nase baruk uiabim, E idigir uiaba gim le giz.

Mataio 8:1

Iesu uatabu abele paerlam, epe abi irmili gaire le lakub.

MAREKO 1:45

E bakeamuda, a ditimeda ko daratagerare, a detager deraueili, abelelam Iesu nole umer kak paret kak ekas abele ged, E soge purge emeri; gaire le abim tabakeuare abgedlam.

MAREKO 6:33

Gaire le lakub dasmer uiaba atiem, gaire le abi opaserertem, a koreder ge abim gaire gedelam uridili, uiaba kekiam tabarki, a netat gedim abim.

Ioane 11:47

Zogo kemle giz, pako Faresaio giz netate gedim ko mer atager, kega, Mi nako? abelelam gaire adigir abele le ikeli.

Ioane 12:18

Abelelam gaire le lakub bakeuare abi obapit uiaba asoli E ikeli abele atamelam.

Ioane 12:37

E ikerare gaire adigir uiabi opem, epe uiaba nole abim oatur kak:

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 2:23

E Ierusalema ge abele uetpur ge paseka, abele gerger ge, gaire le abara nei odaratarare, abelelam uiaba dasmerare gaire abara atamelam E ikeli.

Ioane 20:30

Dordor atamelam Iesu ikelare opem abara kaimeg giz, a nole detali abele jauali ge:

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 6:14

Emetu gaire le dasmer abele atamelam Iesu de ikeli, uiaba detager, kega, Ageakar, perofeta idali, emetu detaut ko uatabu gesepem.

Ioane 6:22

Idim ge, gaire le lakub nerute apek ekue, a dasmer nole nar kak abele, epe abele nar tepteb abara kaimeg giz ekauerertare, Iesu nole uiabi kemem ekauererti nar ge, ege abara kaimeg giz tepteb atiem,

Ioane 6:26

Iesu uiabi detaut, kega, Ageakar, ageakar, kaka uabi detagereda, Uaba nole kari naraimeli abelelam uaba dasmer gaire atamelam, mamaro uaba areto eroarem, a kem osmeda.

Ioane 6:30

Uiaba abi detaut, kega, Nalu atamelam mama ikeli, ki ko dasmer, a marim oituli? nalu mara dorge?