Ioane 5:39 - Miriam Mer Gospels 1902

³⁹ Uaba deraimerare jauali zogo ge, abelelam uaba dikiapor uaba eded nagri aseamur kak abielam; abele karim ageakarem.

Ioane 5:39 ပူးပေါင်းရင်းမြစ်များ

Mataio 22:29

Ege Iesu etkalu uiabim, kega, Uaba didmirik, abelelam uaba asmer kak abele jauali zogo, pako Ade ra adigir.

MAREKO 10:3

Ege E uiabi detaut kega, Nako Mose uabi mer tigri?

MAREKO 12:10

Nako uaba nole jauali zogo atager kak, kega, Abele baker uiaba gaire le meta emorare dituaki, emetu ikeli abele meta serer ge:

Luka 16:29

Ege Aberahama de abi detager, kega, Nagri Mose pako perofeta uiabi dog, iaueakai uiaba asoli.

Luka 16:31

E ge abi detager, kega, Ese uiaba nole asoli Mose pako perofeta, ese nerute le ko eded akaida, a uiaba nole asor kak.

Luka 24:25

Ege E uiabi daratagerare, kega, Le paim, a peper nerkep, nole oituli gaire lu uridili gaire perofeta giz etomereti!

Luka 24:27

Epe E uiabi etomereti gaire lu, emetu detali abielam jauali uridili, E ditimeda Mose bakedida perofeta uridili.

Luka 24:44

A E uiabi daratagerare, kega, Abele mer kaka uabi detagereda, abele kerker kaka uabi kemem, abkoreb iako ageakarem gaire lu uridili emetu detali karielam Mose ra gelar, pako perofeta giz, a Salamo.

Ioane 1:45

Filipo de Nathaniela erdalu, a abi detager, kega, Keriba abi erdali Mose de abielam gelar ge, a gaire perofeta detar, Iesu Nazaretalam, Iosefa ra uerem.

Ioane 5:32

Debele nerute karim ageakarem; kaka umele ageakar, abele mer E karim ageakarem.

Ioane 5:36

Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.

Ioane 5:40

Uaba obogai karim tabakeuare, ko eded nagri.

Ioane 5:46

Ese uaba Mose egaret, uaba kari ko nagaret, abelelam E kari naotali.

Ioane 7:52

Uiaba detaut, a abi detager, kega, Nako ma Galilaialam? Deraimer, a dasmer: nole perofeta dikedida Galilaialam.