Ioane 5:32 - Miriam Mer Gospels 1902

³² Debele nerute karim ageakarem; kaka umele ageakar, abele mer E karim ageakarem.

Ioane 5:32 ပူးပေါင်းရင်းမြစ်များ

Mataio 17:5

Dasmer, abele zoromzorom baz uiaba natkamda: ko dasmer, abele kodo mer bazelam, kega, Kara Uerem nase ge pedali, kaka abim sererege; uaba mamor abi asoli.

Mataio 3:17

Dasmer, abele kodo mer kotorlam, kega, Kara Uerem nase ge idali, kaka au sererege abim.

MAREKO 1:11

Iako kodo mer uataba kotorlam, kega, Mama kara Uerem nasge, kaka mari sererege.

Luka 3:22

Epe abele Lamar Zogo uatabu abi tumge, abara roai mokakalam dibadib ise, ege abele kodo mer kotorlam, kega, Mama kara Uerem idali; kaka mari sererege.

Ioane 1:33

Kaka nole abi ardar kak: epe E dali kari taramarida ko bapataiso ni de, E kari natager, kega, Abele le ma dasmer Lamar Zogo ueeperoa abi kerem ge ueegimurua, E dali bapataiso Lamar Zogo de.

Ioane 12:50

Kaka umele eded aseamur kak abara gelar; abele gaire mer kaka detager, abkoreb Baba de kari nataut, eko kaka detaut.

Ioane 5:34

Kaka nole egaret ageakar lelam: epe kaka detagere abele gaire lu, iaueakai uaba ko eded.