Ioane 5:3 - Miriam Mer Gospels 1902

³ Gaire le abele ge emri, le gimgim, a pone asamasam, a ibibi, a euselu, uiaba naokaili ni dakeili.

Ioane 5:3 ပူးပေါင်းရင်းမြစ်များ

Mataio 15:30

Ege abim tabakeuare gaire le lakub, uiaba nagri uader le ibibi, a uader le sadamer, a uader le te dabimdabim, a uader le gebgeb, pako uader le gaire tonar gim, uiaba abi ituti Iesu ra teter ge; E uiabi nadgerare:

Mataio 4:24

Ege abara mer esauer a aserare Suria uridili; epe uiaba taraisare abim gim le giz uridili a gaire tonar gim; gako uader le asiasi demoni giz uiabi dedkoli, a uader le paim gim gako le giz ibibi; E uiaba uridili nadgiri.

Luka 7:22

Epe Iesu uiabim detaut, kega, Ua bakeamulam, uaba etomeret Ioaneim gaire lu uaba emetu erdali, pako lu uaba emetu asoli; sadmer bakaerti, pako ibibi le emetu ekasereder, pako lepera emetu ogdirup, a grip eudgamad emetu diski asoli, uader eumid uiaba ko ekuei, a debe mer marau uiabim uader le nolea lu kak.

Ioane 5:2

Abele Ierusalema ge nerute keper, maike mamoe ra te, nei Heberu, Betheseda, faif bereg nagri.

Ioane 5:4

Kerker ge angela uatabu ni ge, ko ni dakeili; abele le kekiam bakmeida, ese emetu ni dakeili, abara gim dekaeda abele gimlam nagri.