Ioane 5:18 - Miriam Mer Gospels 1902

¹⁸ Abelelam Iudaia le giz au saserim ko abi ipitare eumilu, abelelam E nole sabath datupida tepteb, epe E iako detauti, kega, Ade abara Ab kar, pako E dali a Ade abkoreb.

Ioane 5:18 ပူးပေါင်းရင်းမြစ်များ

Mataio 12:5

Nako uaba nole etagare abele gelar ge, gaire sabath uridili zogozogo le datupid abele sabath muige abele zogo meta, a uiaba nole adud kak?

Ioane 1:19

Ge Ioane de ageakarem peik, uiabi Iudaia giz gaire zogo le a gaire Leui namarida Ierusalemlam, ko abi itmerare, kega, Ma nete?

Ioane 10:30

Kaka pako Aba, ki netat.

Ioane 10:33

Iudaia giz abi detaut, kega, Keriba nole mari bakeru natimeda debe dorgelam, epe aospilam; abelelam mama le, a mabu bakeli Ade.

Ioane 14:23

Iesu abi detaut, kega, Ese le kari lag, E mena kara mer erpei: kara Baba ko abi lag, epe ki tabarki abim, a abi kemem emri.

Ioane 14:9

Iesu abi detaut, kega, Nako, kaka emeret uabi dog, mama Filipo nole kari nasmeli? abele le kari nasmer, E kara Aba nasmeli; nako mama detaut, kega, Abet keribi detomereta?

Ioane 19:7

Gaire Iudaia le abi detaut, kega, Keriba gelar nagri, abkoreb abele gelar E ko eumida, abelelam tababu akailu Ade ra Uerem.

Ioane 5:15

Abele le bakeam, a gaire Iudaia le giz detager, kega, Iesu de abi idigiri.

Ioane 5:16

Abelelam Iudaia le giz Iesu deskemrare, a deraimerare ko abi ipitare eumilu, abelelam E ikeli abele gaire lu sabath ge.

Ioane 5:17

Ege Iesu uiabim detaut, kega, Kara Aba dorge ikeli, a peirdi, kaka ko dorge ikeli.

Ioane 5:23

Eko gaire le uridili Uerem naospereda, mokakalam uiaba Aba naospereda. Abele le nole Uerem naospereda, E ko nole Aba naospereda, abi emariklu.

Ioane 7:1

Abele gaire lu iobaru, Iesu Galilaiaem ekas: E nole la kak Iudaiaem ekas, abelelam Iudaia le giz deraimerare abi ipitare.

Ioane 7:19

Nako, Mose nole gelar uabi ikuar, a nole nerute uabielam gelar irmili? Epe nako uaba deraimer kari uanapitare?

Ioane 8:54

Iesu detaut, kega, Ese kaka karababu baospili, nole ageakar karababu naospili: kara Aba kari naospili; E dali uaba detaut uaba Ade;

Ioane 8:58

Iesu uiabim detaut, kega, Ageakar, ageakar, kaka uabi detager, Kakanali, Aberahama aosmer kak.