Ioane 5:16 - Miriam Mer Gospels 1902

¹⁶ Abelelam Iudaia le giz Iesu deskemrare, a deraimerare ko abi ipitare eumilu, abelelam E ikeli abele gaire lu sabath ge.

Ioane 5:16 ပူးပေါင်းရင်းမြစ်များ

Mataio 12:13

E abi detager abele le, Mara tag idrimurik. Epe abara tag idrimurik, a ko debele mokakalam nerute.

MAREKO 3:6

Faresaio giz teosmeda, a sobkak mer atagere, pako Herodiano giz, ko abi ipit eumida.

Luka 6:11

Epe uiaba au urker; ege uiaba mer atager nalu lu uiaba ikeli abkoreb Iesuim.

Ioane 1:19

Ge Ioane de ageakarem peik, uiabi Iudaia giz gaire zogo le a gaire Leui namarida Ierusalemlam, ko abi itmerare, kega, Ma nete?

Ioane 10:39

Uiaba iako deraimer abi terpei: ege E uiabielam ispilu uiaba taglam.

Ioane 15:20

Dikiaporare kara mer kaka uabi detager, kega, Memeg le nole aule tumem abara opole. Ese uiaba emetu kari natkoli, uiaba ko uabi dedkoeda; ese uiaba emetu kara mer erpei, uiaba ko uaba mer erpei.

Ioane 5:10

Abele gerger sabath ge. Abelelam Iudaia le giz nadgirda le detager, kega, Sabath peik, nole abkoreb marim ko ekau mabara sik.

Ioane 5:13

Le nadgiri umer kak nete; abelelam Iesu gumik bakeamulu, gaire le lakub lam.

Ioane 5:15

Abele le bakeam, a gaire Iudaia le giz detager, kega, Iesu de abi idigiri.

Ioane 5:17

Ege Iesu uiabim detaut, kega, Kara Aba dorge ikeli, a peirdi, kaka ko dorge ikeli.

Ioane 5:18

Abelelam Iudaia le giz au saserim ko abi ipitare eumilu, abelelam E nole sabath datupida tepteb, epe E iako detauti, kega, Ade abara Ab kar, pako E dali a Ade abkoreb.

Ioane 7:21

Iesu uiabim detaut, kega, Kaka emetu nerute dorge ikeli, a uaba uridili damreda.

Ioane 7:25

Eko uader le Ierusalemlam detaut, kega, Nako E dali uiaba deraimerare ko ipitare?