Ioane 5:15 - Miriam Mer Gospels 1902

¹⁵ Abele le bakeam, a gaire Iudaia le giz detager, kega, Iesu de abi idigiri.

Ioane 5:15 ပူးပေါင်းရင်းမြစ်များ

MAREKO 1:45

E bakeamuda, a ditimeda ko daratagerare, a detager deraueili, abelelam Iesu nole umer kak paret kak ekas abele ged, E soge purge emeri; gaire le abim tabakeuare abgedlam.

Ioane 1:19

Ge Ioane de ageakarem peik, uiabi Iudaia giz gaire zogo le a gaire Leui namarida Ierusalemlam, ko abi itmerare, kega, Ma nete?

Ioane 4:29

Tabakeuare, dasmerare abele le kari natagere gaire lu kaka ikeli: nako, Keriso dali?

Ioane 5:10

Abele gerger sabath ge. Abelelam Iudaia le giz nadgirda le detager, kega, Sabath peik, nole abkoreb marim ko ekau mabara sik.

Ioane 5:12

Uiaba abi itimer, kega, Nete le mari natauti, kega, Mabara sik ekau, a bakeam?

Ioane 5:16

Abelelam Iudaia le giz Iesu deskemrare, a deraimerare ko abi ipitare eumilu, abelelam E ikeli abele gaire lu sabath ge.

Ioane 5:18

Abelelam Iudaia le giz au saserim ko abi ipitare eumilu, abelelam E nole sabath datupida tepteb, epe E iako detauti, kega, Ade abara Ab kar, pako E dali a Ade abkoreb.

Ioane 9:15

Faresaio giz iako abim bautumer, kega, Nako tonar ma bakaerti? E uiabim detaut, kega, E sep mog kara neisi pone asauem, kaka dirup, epe bakaerti.

Ioane 9:25

E detaut, kega, Ese E adud le, kaka umer kak: netate lu kaka umele, emeret kaka sadamer, a peirdi kaka bakaerti.

Ioane 9:30

Abele le uiabim detaut, kega, Dame lu peik, uaba nole umer kak E nagelam, a E emetu kara neisi pone diski.

Ioane 9:34

Uiaba abi detaut, kega, Ma eosmeda uitelam, nako ma keribi okadeskeda? Uiaba abi imuare.