Ioane 5:10 - Miriam Mer Gospels 1902

¹⁰ Abele gerger sabath ge. Abelelam Iudaia le giz nadgirda le detager, kega, Sabath peik, nole abkoreb marim ko ekau mabara sik.

Ioane 5:10 ပူးပေါင်းရင်းမြစ်များ

Mataio 12:10

Dasmer, abele le abara tag euselu, epe uiaba abi itimer kega, Nako abkoreb le idigir sabath ge? iaueakai uiaba ko nagri mer ais abielam.

MAREKO 2:24

Faresaio giz abi detager, kega, Dasmer, nako uiaba lu akerare nole abkoreb sabath?

MAREKO 3:4

E uiabi detager, kega, Nako, abkoreb debe lu ikeli sabath ge, nako adud lu ikeli? ko idigiri, nako ipit eumid? Uiaba bazeguar.

Luka 13:14

Epe nerute le, E sirdam abele sunago, E au ueku abelelam Iesu idigir sabath ge, ege E uiabi daratagerare, gaire le lakub, Debele sikis gerger dorge ikeli: abkoreb uaba tabakeuare idigir, sabath nole.

Luka 23:56

Ege uiaba ko akomeda, a derser lu debe laglag, pako uakasu debe laglag. Ege uiaba nerezi sabath ge, abkoreb Ade ra mer.

Luka 6:2

Ege uader Faresaio giz uiabim daratagerare, kega, Nalu uaba lu akerare nole abkoreb sabath ge?

Ioane 1:19

Ge Ioane de ageakarem peik, uiabi Iudaia giz gaire zogo le a gaire Leui namarida Ierusalemlam, ko abi itmerare, kega, Ma nete?

Ioane 5:11

E uiabim detaut, kega, Abele le kari nadgiri, E kari natauti, kega, Mabara sik ekau, a bakeam.

Ioane 5:15

Abele le bakeam, a gaire Iudaia le giz detager, kega, Iesu de abi idigiri.

Ioane 5:16

Abelelam Iudaia le giz Iesu deskemrare, a deraimerare ko abi ipitare eumilu, abelelam E ikeli abele gaire lu sabath ge.

Ioane 7:23

Ese nerute le peritom erpei sabath ge, ueakai nole Mose ra gelar datupida; nako uaba kari urker abelelam kaka le idigiri sabath ge?

Ioane 9:16

Uader Faresaio giz detager, kega, Abele le nole Adelam, E nole sabath irmili. Uader detaut, kega, Nako, adud le umele ikeli gaire atamelam mokakalam? Uiaba nakesmulu.