Ioane 4:34 - Miriam Mer Gospels 1902

³⁴ Iesu uiabi detager, kega, Kara leuer ko ikeli abara lag, kari namarida, a ko eseamuda abara dorge.

Ioane 4:34 ပူးပေါင်းရင်းမြစ်များ

Mataio 26:39

E kebikebi bakeam, a E etkobeilu, a esorerapare, kega, Kara Aba ae, ese umele, adem abele tanelu karielam; epe nole kara lag ikeli, mabara lag ikeli.

Mataio 3:15

Iesu etkalu abim, kega, Ma no bapataiso karim, abelelam abkoreb meribim bakedida gaire gelar barkak uridili; E mena abi asoli.

Mataio 9:19

Ege Iesu tekueilu, a abara kaimeg giz abi irmilare.

Luka 15:10

Kaka uabi detager, kega, Mokakalam Ade ra angela kotor ge sererege, le uit a emetu obazgeda.

Luka 19:10

Abelelam Ade ra Uerem tabarki deraimerare le badimirida, ueakai uerkabu.

Luka 2:49

Epe tabara mer uiabi daratager, kega, Nalugem naba kari naraimereie? Uaba nole umer kak, abkoreb kaka emeri kara Aba ra meta ge idali?

Ioane 17:4

Kaka emetu mari naospili geseb ge, kaka emetu eseamuda abele dorge ma kari nakuar ko akere.

Ioane 19:28

Abele iobaru, Iesu umele, kega, Gaire lu uridili eseemuda. Ueakai jauali bakedida, E detager, kega, Kaka ni ap.

Ioane 19:30

Emetu Iesu uinega erpeilu, E detager, kega, Eseemuda: E abara kerem esorgiru, a lamar emariklu.

Ioane 4:32

E uiabi daratagerare, kega, Kara nagri leuer ko ero uaba nole umer kak.

Ioane 5:30

Kaka nole umer kak nerute lu ikeli karababu; kaka itmer mokakalam kaka asoli: kaka barkak itmer, abelelam kaka nole kara lag deraimer, mamoro Baba ra lag, kari namarida.

Ioane 5:36

Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.

Ioane 6:33

Abelelam Ade ra areto dali kotorlam tabi, a eded nakuarare gesepem.

Ioane 6:38

Abelelam kaka nole kotorlam tarabu ko ikeli kara lag, mamoro abara lag, E kari namarida.

Ioane 8:29

E kari dog, kari namarida; E nole kari nakaerti; abelelam kaka gaire lu ikeli abim sererge.