Ioane 4:3 - Miriam Mer Gospels 1902

³ E Iudaia dekaelu, a iako Galilaiem bakeamulu.

Ioane 4:3 ပူးပေါင်းရင်းမြစ်များ

Mataio 10:23

Ese uiaba uabi dedkoli nerute uteb, a ua ko kored bakeuare nerute utebem; abelelam a ageakar kaka uabi detagereda, Umer kak uaba basiki Isaraela ra uteb uridili, mena Le la Uerem tabarki.

MAREKO 3:7

Iesu a abara kaimeg giz bakeauda abele keper ge; gaire le abi irmili Galilaialam, pako Iudaialam,

Luka 17:11

Ege E bakeamulu Ierusalema ge, pako Samaria a Galilaia.

Ioane 1:43

Iuaokaer, Iesu laglag Galalaiem bakeam, E Filipo erdalu, a abi detager, Kari narmili.

Ioane 10:40

E iako bakeamulu Ioridano apek, abele uteb Ioane de kekiam bapataiso; a abele ge E emri.

Ioane 11:54

Abelelam Iesu nole paret kak bakeam Iudaia ge, epe E bakeam abele ged maike soge purge, nei Efaraima; a kemem emri abara kaimeg giz pedali.

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 3:22

Abele gaire lu iobaru, Iesu a abara kaimeg giz bakeuare Iudaia gedim, E uiabi kemem bamer, a bapataiso.

Ioane 3:32

Abele lu E emetu dasmer a asoli, E ageakarem peik; a nole le abara ageakarem erpei.

Ioane 4:47

E asoli, kega, Iesu Galilaia tabarki Iudaialam, E abim tabakeam, a abim bali ko tabakeam abara uerem idigiri, abelelam E maike eumida.

Ioane 7:1

Abele gaire lu iobaru, Iesu Galilaiaem ekas: E nole la kak Iudaiaem ekas, abelelam Iudaia le giz deraimerare abi ipitare.