Ioane 4:21 - Miriam Mer Gospels 1902

²¹ Iesu abi detager, kega, Kosker, kari asoli, kerker tabarki, uaba nole esorerapare Abem abele paser ge, a nole Ierusalema ge.

Ioane 4:21 ပူးပေါင်းရင်းမြစ်များ

Mataio 18:20

Abelelam abele uteb etami neis le pako neis netat le kara nei ge, kaka uiabi kemem.

Mataio 28:19

Dasmer, uaba bakeuare gaire ged narida uridili ko uiabi ereuerem, pako uiabi bapataiso Babe ra nei ge, pako abele Uerem, pako abele Lamar Zogo:

Luka 21:24

A uiaba eumid teibur aosaos tulik gargerlam, a uiaba no bakeamu gaire ged uridili: a gaire nogle uiaba dedkoli Ierusalema, a keubu abele nogle giz uiaba erdali uiaba mop.

Ioane 14:6

Iesu abi detaut, kega, Kaka gab, a ageakar, a eded; nole le Abem bakeam, ese nole gab kari dog.

Ioane 16:2

Uiaba ko uabi dituaki sunagolam: kerker ko tabarki abele le uabi ipitare, E ko dikiapor E Ade ra dorge ikeli.

Ioane 16:32

Dasmer, kerker ko tabarki, ia ike, uaba ko kepu bamarida boaiem, a kaka tepteb: nolea kaka tepteb, abelelam Aba kari dog.

Ioane 4:23

Kerker ia uatabu, a peirdi, gaire le esorerapare, ko Abem esorerapare lamarem, a ageakarem; abelelam Aba deraimer gaire le mokakalam ko abim esorerapare.

Ioane 5:25

Ageakar, ageakar, kaka uabi detagereda, kega, Kerker ge maike uatabu, a peirdi, gaire eud Ade Ueremer ra kodo mer asoli; uiaba asoli ko ededem.

Ioane 5:28

Nole abele ezigmada; abelelam kerker uatabu, gaire le aolam ko asoli abara kodo mer,