Ioane 4:14 - Miriam Mer Gospels 1902

¹⁴ Eko le aree abele ni kaka ikuar, E nole niap kak niai karem; abele ni kaka ko abi ikuar, mena abi kem ge ni tomeili eded aseamur kak.

Ioane 4:14 ပူးပေါင်းရင်းမြစ်များ

Mataio 25:46

Ege uiaba bakeuare peike abele asias niai karem: epe barkak tonar le giz ko bakeuare abele eded niai karem.

Mataio 5:6

Uerkab uader le uererege a niap ge abele barkak tonarlam; abelelam uiaba gem osmeda.

Ioane 10:10

Ese eruam le tabarki, E tabarki ko eruam, a ko ipit eumilu, a lu gatkamer: kaka tabarki ueakai uiaba eded nagri, a ko au nagri.

Ioane 11:26

Abele le eded karielam, pako karim oituli, E nole eud kak niaiem niai karem. Nako, ma egaret abele mer?

Ioane 4:10

Iesu detaut, a abi detager, kega, Ese mama umele abele lu Ade ikuar, pako le dali mari natager, Kari ni nakuar; ese mama emetu abi damos, E ko mari nakuar eded ni.

Ioane 4:11

Ege kosker abi detager, kega, Kole, ma nole nisor kak, ni kopkopni: nagelam mari dog eded ni?

Ioane 4:13

Iesu detaut, a abi detager, kega, Gaire le uridili ereare abele ni ge, uiaba iako niap ge:

Ioane 4:36

Le ikid bodomalam nagri, a leuer ageg etag ededem aseamur kak; ko le emor, a le ikid okakis sererge.

Ioane 6:27

Nole sagim kak buzbuz leuer, epe mamoro niai leuer, a tabarki eded aseamur kak, Le la Uerem ko uabi ikuar; abelelam Baba, pe Ade, abi detakobi.

Ioane 6:35

Iesu uiabi detager, kega, Kaka eded areto: abele le karim tabakeam, E nole iako uererge: abele le karim oituli, E nole iako ni ap.

Ioane 6:58

Abele areto kotorlam tarabu: nole mokakalam kaied giz erolare, gako baum: abele le areto idali eroli ko eded niai karem.

Ioane 7:37

Keubu gerger, abele au gerger uetpur ge, Iesu tekueilu, a ereretikri, a detager, kega, Ese nerute le niap, karim tabakeam ko aree.