Ioane 4:10 - Miriam Mer Gospels 1902

¹⁰ Iesu detaut, a abi detager, kega, Ese mama umele abele lu Ade ikuar, pako le dali mari natager, Kari ni nakuar; ese mama emetu abi damos, E ko mari nakuar eded ni.

Ioane 4:10 ပူးပေါင်းရင်းမြစ်များ

Luka 11:13

Uaba adud tonar, ese uaba umele gaire debe lu naisuerare uaba omasker, mokakalam uaba Aba, emeri Kotor ge, E uabi uadekuarare Lamar Zogo uaba damos?

Ioane 16:3

Uiaba ko ikeli abele gaire lu, abelelam uiaba nole umer kak Aba, a kaka.

Ioane 17:3

Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.

Ioane 3:16

Abele absaimarsaimar Ade ra omare gesepem, gako E ikuar abara Uerem netate, epe nole eud kak, abele le abi oituli, mamoro E nagri eded aseamur kak.

Ioane 4:14

Eko le aree abele ni kaka ikuar, E nole niap kak niai karem; abele ni kaka ko abi ikuar, mena abi kem ge ni tomeili eded aseamur kak.

Ioane 6:35

Iesu uiabi detager, kega, Kaka eded areto: abele le karim tabakeam, E nole iako uererge: abele le karim oituli, E nole iako ni ap.

Ioane 6:51

Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.