Ioane 3:5 - Miriam Mer Gospels 1902

⁵ Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.

Ioane 3:5 ပူးပေါင်းရင်းမြစ်များ

Mataio 18:3

A uiaba kega, Ageakar kaka uabi detager, Ese uaba nole depegeli a ko mokakalam kebile ise, umer kak uaba bao abele kotor baselaia ge.

Mataio 19:24

Kaka uabi detager, Kamela umele bao abele nila neb ge, epe lu giz ra apu umer kak erdali Ade ra baselaia.

Mataio 21:31

Nete le neis uerem ikeli taba aba ra lag? Ege uiaba abim kega, Narbet uerem. Ege Iesu uiabim etkalu, Ageakar kaka uabi detager, Kekiam telona giz pako gab kosker giz abele Ade ra baselaia ge bardare, a uaba keubu.

Mataio 28:19

Dasmer, uaba bakeuare gaire ged narida uridili ko uiabi ereuerem, pako uiabi bapataiso Babe ra nei ge, pako abele Uerem, pako abele Lamar Zogo:

Mataio 3:11

Kaka uabi bapataiso abele ni iaueakai uaba obazger; epe nerute le kari keubu ekas E au kale kari tumge, kaka nole abkoreb tais abara teter gab; E uabi bapataiso abele Lamar Zogo, gako abele ur;

Mataio 5:20

Abelelam kaka uabi detagered, Ese nole aule uaba barkak tonar tumem abele gaire aotale giz gako Faresaio giz, umer kak uaba barot abele kotor baselaia ge.

MAREKO 10:14

Iesu dasmer, abara nerkep asiasi, E uiabim detagereda, kega, Kebi omasker karim taramarkare, nole uiabi aisumdar kak; abelelam, Ade ra baselaia uiabi koreb.

MAREKO 16:16

Ese nerute le oituli, a emetu bapataiso, E ko eded: ese nerute le nole oatur kak, E ko eumilu.

MAREKO 9:47

Ese mara pone mari nadkoli, dikiamur; debele ma Ade ra baselaia barot a netate pone, adud neis pone gena ra ur batauered:

Luka 13:24

Uaba saserim ueakai uaba barot kebi te ge: abelelam kaka uabi detager, uader deraimer lagelag barot, a nole umer kak.

Luka 13:3

Kaka uabi detagereda, Nolea: ese uaba nole obazgeda, abkoreb uaba uridili baum.

Luka 13:5

Kaka uabi detagerare, Nolea: ese uaba nole obazgeda, abkoreb uaba uridili baum.

Ioane 1:13

Uiaba nole mamlam aosos, a nole gem ra lag, a nole le ra lag, epe Adelam.

Ioane 3:3

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Ioane 3:4

Nikodemo abi detaut, kega, Nalugem aule umele ko eosmeda? nako E umele ko neisem badari taba apu kem ge, a iako esmeda?