Ioane 3:36 - Miriam Mer Gospels 1902

³⁶ Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 3:36 ပူးပေါင်းရင်းမြစ်များ

Mataio 25:46

Ege uiaba bakeuare peike abele asias niai karem: epe barkak tonar le giz ko bakeuare abele eded niai karem.

MAREKO 16:16

Ese nerute le oituli, a emetu bapataiso, E ko eded: ese nerute le nole oatur kak, E ko eumilu.

Luka 2:30

Abelelam kara pone emetu dasmer abele mara azigmoaret,

Luka 3:6

Gaire le uridili dasmer azigmoaret Adelam.

Ioane 1:12

Ui uridili abi egardare, a odaratarare abi nei de, E uiabim adigir nakuarare ko Ade ra omasker:

Ioane 10:28

A Kaka ko uiabim ikuar eded aseamur kak; a uiaba nole eud kak niaiem niai karem, a nole le uiabi natkedarare kara taglam.

Ioane 3:3

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Ioane 4:36

Le ikid bodomalam nagri, a leuer ageg etag ededem aseamur kak; ko le emor, a le ikid okakis sererge.

Ioane 5:24

Ageakar, ageakar, kaka uabi detagereda, kega, Abele le kara mer asoli, a abi oituli kari namarida, E nagri eded aseamur kak, a nole itmer bau, E emetu bakeam eudelam ededem.

Ioane 6:58

Abele areto kotorlam tarabu: nole mokakalam kaied giz erolare, gako baum: abele le areto idali eroli ko eded niai karem.

Ioane 8:51

Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.