Ioane 3:2 - Miriam Mer Gospels 1902

² E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 3:2 ပူးပေါင်းရင်းမြစ်များ

Mataio 22:16

A uiaba namarkare abim uiaba kaimeg giz kemem pako Herodiano giz, abi kega, Ereuer le ae, keriba umele ma le ageakar, mama ereuerem Ade ra gab pako ageakar, ma nole geum nerute le: abelelam ma nole dikiapore nerute le.

Mataio 23:7

Pako gaire le uiabi nasege segur uteb ge, a gaire le giz uiaba nei natkerauem, Rabi ae, Rabi ae.

Mataio 23:8

Ege uaba nole nei atker Rabi; abelelam netate uaba Ereuer le, abele Keriso idali, a uaba uridili keimer giz.

MAREKO 12:14

Uiaba tabarki, a abi detager, kega, Kole, keriba umele mama le ageakar, a nole le geum kak; ma nole akiapor kak le la op, mamoro Ade ra gab ageakar ereuerem: Nako, barkak Kaisaraim lu nakuar, a nolea?

Ioane 1:38

Iesu egreemalu, a darasmer ui darali abi irmili, a ui darali detagerei, kega, Nalu ua deraimerei? Ui natkalei abim, kega, Rabi (tonar, Ereuer le), ma nade emri?

Ioane 10:38

Ese kaka ikeli, a uaba nole kari agaret kak, debele gaire dorge egaret: iaueakai uaba umele a egaret kega, Aba karim muige, a kaka muige kara Aba.

Ioane 12:37

E ikerare gaire adigir uiabi opem, epe uiaba nole abim oatur kak:

Ioane 14:10

Nako, ma nole dikiapor kak, kaka muige Abaim, pako Aba karim muige? Abele gaire lu kaka uabi detager, kaka nole karbabu detager; epe Baba kari muige, E ikeli abele gaire dorge.

Ioane 15:24

Ese kaka nole ikeli gaire lu uiaba opem, nole nerute le ikeli, uiaba nole uit kak: peirdi uiaba kari nasmer, a kari naorti, pako kara Aba ko.

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 20:16

Iesu abi detager, kega, Maria. E tegreamalu a abi detager, kega, Raboni: tonar, Ereue le.

Ioane 3:26

Uiaba Ioaneim tabakeuare, a abi detagereda, kega, Rabi, abele le mari dog, Ioridano apek, mama emetu abi ageakarem, dasmer, E ko bapataiso, a gaire le uridili abim tabakeuare.

Ioane 4:31

Inoka dali, kaimeg giz abi ekailu, a detager, kega, Rabi, ero.

Ioane 5:36

Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.

Ioane 6:2

Gaire le netate gedim abi irmili, abelelam uiaba dasmerare gaire atamelam E ekere, tumem gaire gim le.

Ioane 7:31

Gaire lekublam abi oituli; uiaba detager, kega, Ese Keriso tabarki, nako, E ko ikeli gaire atamelam tumem E ikeli?

Ioane 9:16

Uader Faresaio giz detager, kega, Abele le nole Adelam, E nole sabath irmili. Uader detaut, kega, Nako, adud le umele ikeli gaire atamelam mokakalam? Uiaba nakesmulu.