Ioane 3:17 - Miriam Mer Gospels 1902

¹⁷ Ade nole emarida abara Uerem gesepem ko gesep mer barditug; epe mamoro gesep eded abielam.

Ioane 3:17 ပူးပေါင်းရင်းမြစ်များ

Mataio 1:23

Dasmer, abele neur ra kem ko esomeloa abele kimiar uerem, uiaba nei etkeroa abi Emanuela, tonar abele, ese etomeret, Ade Meribi okakis.

Mataio 18:10

Uaba nole dedkoli nerute uiaba ike kebi kale; abelelam kaka uabi detager, Uiaba angela dali kotor ge ner kak uiaba dasmered kara Aba ra op dali kotor ge.

Mataio 18:11

Abelelam Le la Uerem tabarki a uerkab abele le badimirid.

Luka 19:10

Abelelam Ade ra Uerem tabarki deraimerare le badimirida, ueakai uerkabu.

Luka 9:56

Abelelam Ade ra Uerem tabarki nolea dedkoli le la eded, epe E tabarki ueakai gaire le eded nagri. Ui ge bakeauare nerute utebem.

Ioane 1:29

Iuoakaer, Ioane de Iesu dasmer abim tabakeam, a E detager, kega, A ma dasmer Ade ra Arenio, ko adem dikri gaire geseb uit!

Ioane 10:36

Nako, uaba detager abi abei abele Aba zogoem a gesepem namarida, kega, Ma baospili; abelelam kaka detager, kega, Kaka Ade ra Uerem?

Ioane 11:42

Kaka umele mama mena kari asoli: kaka emetu abele detager abelelam gaire le lakub derumeda, iaueakai uiaba ko egaret ma kari namarid.

Ioane 17:18

Mokakalam mama kari gesepem namarida, mokakalam kaka uiabi gesepem namarida.

Ioane 17:21

Ueakai ui uridili netat; mara kaiser Baba muige kara nerkep, a kaka muige mara nerkep ge, ueakai uiaba netat meribi koreb: ueakai geseb ko oituli ma kari namarida.

Ioane 17:23

Kaka muige uiabi nerkep ge, a mama muige kara nerkep ge, ueakai uiaba netat: ueakai gesep umele mama kari namarida, a uiabi omare, abkoreb mama kari omare.

Ioane 17:25

Geseb ge nole mari opasereret kak, Aba barkak: epe kaka mari opasereret, a uiaba umele mama kari namarida.

Ioane 17:3

Abele eded aseamur kak, kega, Uiaba ko mari nasmereda Ade kar netat, a Iesu Keriso mama namarida.

Ioane 17:8

Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.

Ioane 20:21

Iesu iako uiabi detager, kega, Mapodon uabim: kaka uabi namarida mokakalam Baba kare namarida.

Ioane 3:34

E dali Ade de temarida mer atagerem gaire Ade ra mer: abelelam E nole Lamar Zogo ikuar au tale lu ge de.

Ioane 5:36

Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.

Ioane 5:38

Abara mer nole uabi nerkep ge; abelelam uaba nole uatur kak abim, E namarida.

Ioane 5:45

Nole akiapor kak kaka uaba detauti Abem; nerute ko uaba detaut, ege Mose, uaba abim oituli.

Ioane 6:29

Iesu uiabi detaut, kega, Ade ra dorge peik, ko oituli abim, E temarida.

Ioane 6:38

Abelelam kaka nole kotorlam tarabu ko ikeli kara lag, mamoro abara lag, E kari namarida.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.

Ioane 6:57

Mokakalam Baba eded kari namarida, a kaka ko eded Babalam: mokakalam abele le kari naroli, E ko eded karielam.

Ioane 7:29

Kaka abi umele; abelelam kaka abielam, E kari namarida.

Ioane 8:11

E detaut, kega, Opole, nolea kar. Iesu iako abim detager, kega, Ka ko nole mari bakeru natimili: bakeam; iako nole eruam kak.

Ioane 8:42

Iesu uiabim detaut, kega, Ese Ade uaba Aba, uaba ko kari lag: abelelam kaka nabue, a ge tabarki Adelam; kaka nole karbabu tabarki, epe E kari namarida.