Ioane 3:13 - Miriam Mer Gospels 1902

¹³ Nole nerute le ogi kotorem, epe mamoro E kotorlam uatabu, abele Le la Uerem kotor ge emri.

Ioane 3:13 ပူးပေါင်းရင်းမြစ်များ

Mataio 28:20

Uaba uiabi ereuerem, a asesered gaire lu uridili kaka uabi detager: dasmer, kaka ko uabi kemem gaire gerger uridili, bakedilu abele geseb ra mop. Amen.

Mataio 8:20

Ege Iesu abi detager, kega, Arobe nagri abara kur, a ebur giz epereda nagri uteb uteidi; ege Le la Uerem E nole abara uteb uteidi.

Ioane 1:18

Nole le Ade asmer kak; epe abara Uerem tepteb taba Aba ra marmot, E etomeret.

Ioane 13:3

Iesu umele Aba de nakuar abi tagem gaire lu uridili, pako E Adelam, a E Adim iako bakeam,

Ioane 17:5

Baba, peirdi, kari naospili mara kemem zorom ge meribielam emeret ge, nole geseb kak.

Ioane 3:12

Ese kaka uabi detagereda gaire lu geseb ge, a uaba nole oatur kak, nako uaba onatareda ese kaka uabi detagereda gaire lu kotor ge?

Ioane 3:31

Le kotorlam uatabu, E tumem gaire lu uridili: le geseplam, E geseplam, a ko gesep mer atager: le kotorlam uatabu, E tumem gaire lu uridili.

Ioane 6:33

Abelelam Ade ra areto dali kotorlam tabi, a eded nakuarare gesepem.

Ioane 6:38

Abelelam kaka nole kotorlam tarabu ko ikeli kara lag, mamoro abara lag, E kari namarida.

Ioane 6:42

Uiaba detaut, kega, Nako, nole Iesu pedali, Iosefa ra uerem, pe nako, meriba nole umer kak abara aba a apu? nalugem E detaut, kega, Kaka kotorlam tarabu?

Ioane 6:46

Nole nerute le Baba dasmer, mamoro E Adelam, E Baba dasmer.

Ioane 6:51

Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.

Ioane 6:62

Nako, ese uaba dasmer Le la Uerem abara emeret utebem ogi?

Ioane 8:42

Iesu uiabim detaut, kega, Ese Ade uaba Aba, uaba ko kari lag: abelelam kaka nabue, a ge tabarki Adelam; kaka nole karbabu tabarki, epe E kari namarida.