Ioane 3:11 - Miriam Mer Gospels 1902

¹¹ Ageakar, ageakar, kaka mari natager, kega, Keriba detagereda abele gaire lu keriba erdarda, a ageakarem abele gaire lu keriba dasmereda; epe uaba nole arpeir kak abele keriba ageakarem.

Ioane 3:11 ပူးပေါင်းရင်းမြစ်များ

Mataio 11:27

Kara Aba kari nakuarare gaire lu uridili; nole le erdali abele Uerem, epe abele Aba; a nole le erdali abele Aba, epe Uerem tepteb, pako nerute le Uerem lagelag abi etomeret.

Mataio 23:37

Ierusalema ae, Ierusalema ae, le ipitare gaire perofeta giz, pako baker erboro le giz emetu namarid marim! kaka au lagelag etami mara omasker giz, mokakalam faul akuadare abara omasker muige abara peo, epe uaba nole la kak!

Luka 10:22

Ege kara Aba gaire lu E kari naisuer: nole le ardar kak abele Uerem, epe abara Aba; nole le erdali abele Aba epe abara Uerem, pako nerute le abara Uerem E lagelage abi etomeret.

Ioane 1:11

E abara boai tabaruk, a abara boai nole abi agaret kak.

Ioane 1:18

Nole le Ade asmer kak; epe abara Uerem tepteb taba Aba ra marmot, E etomeret.

Ioane 12:49

Kaka nole karbabu detaut; epe Baba de kari namarida, E kari gelar nakuar abele lu kaka ko detager, a detaut.

Ioane 14:24

Abele le nole kari lag, E nole kara mer erpei: abele mer uaba asoli nole kara mer, epe Baba de kari namarida.

Ioane 3:12

Ese kaka uabi detagereda gaire lu geseb ge, a uaba nole oatur kak, nako uaba onatareda ese kaka uabi detagereda gaire lu kotor ge?

Ioane 3:13

Nole nerute le ogi kotorem, epe mamoro E kotorlam uatabu, abele Le la Uerem kotor ge emri.

Ioane 3:3

Iesu etkalu, a abi detager, kega, Ageakar, ageakar, kaka mari natagere, Ese nerute le nole iako esmeda, E umer kak Ade ra baselaia dasmer.

Ioane 3:5

Iesu etkalu, kega, Ageakar, ageakar, kaka mari natager, Ese nerute le nole esmeda ni de a Lamar de, E nole umer kak Ade ra baselaia badari.

Ioane 5:43

Kaka tabarki karba Aba ra nei ge, uaba nole kari agaret kak: ese nerute le tabarki taba nei ge, uaba ko abi egaret.

Ioane 7:16

Iesu uiabim detaut, kega, Nole karielam kara ereuere, epe abielam, kari namarida.

Ioane 8:14

Iesu uiabim detaut, kega, Ese karababu kari ageakarem, kara mer ageakar; abelelam kaka umele kaka nagelam, a kai na gedim bakeam; uaba nole umer kak kaka nagelam, a kai na gedim bakeam.

Ioane 8:26

Kaka nagri dordor lu ko detager, a ko dikiapor uabim: E ageakar, kari namarida; kaka gesepem detager gaire lu kaka asoli abielam.

Ioane 8:38

Kaka detager kaka dasmer kari Baba dog: a uaba ikerare abele gaire lu uaba asoli uaba abalam.