Ioane 21:17 - Miriam Mer Gospels 1902

¹⁷ E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.

Ioane 21:17 ပူးပေါင်းရင်းမြစ်များ

Mataio 25:40

Ege Opole uiabi etkalu, kega, Ageakar kaka uabi detager, Abelelam uaba ikerare nerute le kebi kale kara keimer ike, kakanali uaba ikerare.

MAREKO 14:72

Kimiar faul neisiem ereretikri. A Peteru dikiapor abele mer Iesu abi detager, kega, Kimiar faul nole neisi ereretikri, ma ko thri kari nasared. E dikiapor, a E bazoli.

Ioane 12:8

Gaire le lu kak mena uabi dog; kaka nole niaiem uabi dog.

Ioane 13:38

Iesu abi detaut, kega, Eko, ma ko ikuar mara eded kara kes? Ageakar, ageakar, kaka mari natagere, kega, kimiar faul nole ereretikri, ma ko kekiam thri kari nasared.

Ioane 14:15

Ese uaba kari lag, uaba ko kara gelar irmili.

Ioane 15:10

Ese uaba kara gelar irmili, uaba ko niaiem tekue kara omare ge: mokakalam kaka Baba ra gelar irmili, epe kaka niaiem tekue abi omare ge.

Ioane 16:30

Peirdi, keriba umele mama opasereret gaire lu uridili, nole lu kar marim nerute le ko marim eutumer: abelelam keriba dikiapor mama tarabu Adelam.

Ioane 18:27

Peteru iako asared: epe sobkak kimiar faul ereretikri.

Ioane 18:4

Iesu umele gaire lu ko abim tabarki, E maiem bakeamulu, a uiabim detager, kega, Netede uaba deraimerare?

Ioane 21:18

Ageakar, ageakar, kaka mari natager, kega, Ma makeriam emeret mabu eso, ma bakeam mabara lag: ma aule mabara tag nagisi, a nerute ko mari uanaso, a mari uanagared abele ma nole la kak.

Ioane 4:16

Iesu abi detager, kega, Bakeamu, mabara kimiar tegared, iako tabakeam.