Ioane 21:16 - Miriam Mer Gospels 1902

¹⁶ E iako neisi abi detager, kega, Simona, Iona ra uerem, ma kari lag? E abi detager, kega, Eko, Opole; ma umele kaka mari lag. E abi detager, kega, Kara mamoe giz darasisiare.

Ioane 21:16 ပူးပေါင်းရင်းမြစ်များ

Mataio 2:6

Mama Bethelema muige abele ged Iudaia, ma nole kebile gaire Juda opole; abelelam ma giz abele Tarima le, E sirdam Isaraela kara ged.

Mataio 25:32

Etami abara opem gaire ged narida uridili; E nakesmulu uiabim, mokakalam le asesered mamoe, E nakesmulu nani, pako mamoe;

Mataio 26:72

E ko abi asared, a ditimeda adud mer egali, kega, Kaka umer kak abele le.

Luka 19:10

Abelelam Ade ra Uerem tabarki deraimerare le badimirida, ueakai uerkabu.

Ioane 18:17

Neur te asesered Peteruim detager, kega, Nako, ma nole nerute abara kaimeg giz? E detaut, kega, Kaka nole.

Ioane 18:25

Simona Peteru ekueilu ge bauger. Uiaba abi detager, kega, Nako, ma nole nerute abara kaimeg giz? E asared, a detaut, kega, Kaka nole.

Ioane 21:17

E iako thri abi detager, kega, Simona, Iona ra uerem, ma kari lag? Peteru okabatageli abelelam E thri abi detager, kega, Ma kari lag? E abi detaut, kega, Opole ma umele gaire lu uridili; a ma umele kaka mari lag. Iesu abi detager, kega, Kara mamoe giz darasisiare.