Ioane 20:31 - Miriam Mer Gospels 1902

³¹ Emetu abele gaire lu detali ueakai uaba dikiaporauem, kega, Iesu Keriso kar, Ade ra Uerem: ueakai uaba onatereda, uaba ko eded nagri abi neilam.

Ioane 20:31 ပူးပေါင်းရင်းမြစ်များ

Mataio 16:16

Ege Simona Peteru abi detaut, kega, Mama Keriso, Ade ra Uerem eded.

Mataio 27:54

Abele kerem le netate handed nosik le, pako uader le kemem Iesu abi asesered, uiaba erdarare abele sep demali, pako gaire lu ikerare, a uiaba au geum, kega, Ageakar Ade ra Uerem idali.

Mataio 4:3

E toabukilu abele le mirem, kega, Ese mama Ade ra Uerem, ma detager gaire baker a depegire leuer ise.

MAREKO 16:16

Ese nerute le oituli, a emetu bapataiso, E ko eded: ese nerute le nole oatur kak, E ko eumilu.

Luka 1:35

A ge angela etkalu abim, kega, Lamar Zogo natabu, a Ageakar Opole ra adigir mari tumge; abelelam mabara uerem zogo, tabara nei, Ada ra Uerem.

Luka 1:4

Ueakai ma umele ageakar abele gaire lu, emetu mari ereuerem.

Luka 24:47

Iaueakai natomertare obazgeda, a adigiri uit ged uridili, abara nei ge, ditimeda Ierusalema.

Ioane 1:49

Nathaniela abim etkalu, kega, Rabi, ma Ade ra Uerem, a Isaraela ra Opole.

Ioane 10:10

Ese eruam le tabarki, E tabarki ko eruam, a ko ipit eumilu, a lu gatkamer: kaka tabarki ueakai uiaba eded nagri, a ko au nagri.

Ioane 19:35

Le ardali ageakarem, abara mer ageakar: E umele, ageakar E detaut, ueakai uaba oituli.

Ioane 20:28

Toma abi detaut, kega, Kara Opole, a kara Ade.

Ioane 3:18

Abele le abi oituli nole mer barditug abim: abele le nole oatur kak emetu mer barditug abim, abelelam E nole oatur kak abele nei Ade ra Uerem netate.

Ioane 3:36

Abele le Ueremem oituli, E nagri eded aseamur kak: abele le nole Ueremem asor kak, E nole eded asmer kak, epe Ade ra urker abi tumge dikmerik.

Ioane 5:24

Ageakar, ageakar, kaka uabi detagereda, kega, Abele le kara mer asoli, a abi oituli kari namarida, E nagri eded aseamur kak, a nole itmer bau, E emetu bakeam eudelam ededem.

Ioane 6:40

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.