Ioane 20:27 - Miriam Mer Gospels 1902

²⁷ E Toma detager, kega, Mabara baur kei tekau, a dasmer kara neisi tag; a mabara tag tekau, a kara ber ge aziriklu: ma nole uatur kak, debele oituli.

Ioane 20:27 ပူးပေါင်းရင်းမြစ်များ

Mataio 17:17

Ege Iesu etkalu, kega, Abele nosik le nole oatur kak a barbar tonar, kaka uabi dog naket gerger? kaka uabi mena omare naket gerger? E karim tegaret.

MAREKO 9:19

E uiabi detaut, kega, Uaba nosik oatur kak, nade mop kaka uabi dog emerili? nade mop kaka uabi mabus? E karim tegaret.

Luka 24:39

Debele uaba mamoro dasmer, kara tag peike, pako kara teter, abelelam kaka: uaba kari erpei, a kari dasmer; lamar nole med kak, a nole lid kak, mokakalam uaba kari dasmer.

Luka 24:40

Ege E emetu uiabi daratagerare abele mer, E uiabi natomertare tabara tag, a teter.

Luka 9:41

Ege Iesu detaut, kega, Abele nosik nolea oatur kak, pako erar, kaka uabim kemem naket gerger? pako omare uabim naket gerger? mara uerem karim tegaret.

Ioane 20:20

Emetu abele detager, E abara neisi tag a abara ber uiabi natomelu. Abara kaimeg giz sererge Opole dasmer.

Ioane 20:25

Kaimeg giz abi detager, kega, Keriba emetu Opole dasmer. E uiabim detaut, kega, Ese kaka nole dasmer sok tulik ziz abara neisi tag, a kara baur kei sok tulik ziz ge aziriklu, a kara tag abara ber ge aziriklu, kaka nole uatur kak.

Ioane 20:28

Toma abi detaut, kega, Kara Opole, a kara Ade.