Ioane 20:21 - Miriam Mer Gospels 1902

²¹ Iesu iako uiabi detager, kega, Mapodon uabim: kaka uabi namarida mokakalam Baba kare namarida.

Ioane 20:21 ပူးပေါင်းရင်းမြစ်များ

Mataio 10:16

Dasmer, kaka uabi demarida mokakalam mamoe giz eipu gaire luko giz; abelelam uaba pardali mokakalam tabo, a au mapodan mokakalam lupe.

Mataio 10:40

Abele le uabi egared, E kari egared, abele le kari egared, a E egared abele le kari namarid.

Luka 24:36

A uiaba mer batager abele lugelam, a Iesu ekueilu uiabi opem, a uiabi daratagerare, kega, Uerkab uabim.

Ioane 13:20

Ageakar, ageakar, kaka uabi detager, kega, Abele le egaret le kaka namarida, E kari egaret: abele le kari egaret, E abi egaret, kari namarida.

Ioane 14:27

Mapodan kaka uabi dog ikeli; kaka uabi ikuar kara mapodan: kaka nole uabi ikuar mokakalam gesep ikuar. Nole okasosok uaba nerkep, a nole geum.

Ioane 20:19

Ki ge abele gerger, kekiam gaire sefen, emetu demare gaire te abele uteb uiaba netate gedim, abelelam uiaba Iudaia le geum ge, Iesu tabakeamulu a eipu ekueilu, a uiabi detager, kega, Mapodan uabim.

Ioane 20:22

E emetu abele detager, E uiabim nerezi, a detager, kega, Lamar Zogo egaret:

Ioane 20:26

Gaire gerger eit iobaru, abara kaimeg giz muige meta, a Toma uiabim kemem. Gaire te emetu demare, Iesu batimedilu, a uiabim eipu ekueilu, a detager, kega, Mapodan uabim.

Ioane 3:17

Ade nole emarida abara Uerem gesepem ko gesep mer barditug; epe mamoro gesep eded abielam.