Ioane 20:19 - Miriam Mer Gospels 1902

¹⁹ Ki ge abele gerger, kekiam gaire sefen, emetu demare gaire te abele uteb uiaba netate gedim, abelelam uiaba Iudaia le geum ge, Iesu tabakeamulu a eipu ekueilu, a uiabi detager, kega, Mapodan uabim.

Ioane 20:19 ပူးပေါင်းရင်းမြစ်များ

Mataio 10:13

Ese abkoreb abele boai, a ua ko nakuarare uaba debe mer; ese abele boai nole abkoreb, iako takomeda uabim uaba debe mer.

Mataio 18:20

Abelelam abele uteb etami neis le pako neis netat le kara nei ge, kaka uiabi kemem.

MAREKO 16:14

Keubu, Iesu paret kak osmeda uiabim gaire elefen le, uiaba aroem; E uiabi nakereda nole oatur kaklam, a kelarkelar nerkep, abelelam uiaba nole oatur kak abele gaire le abi dasmer E eded akaida.

Ioane 14:27

Mapodan kaka uabi dog ikeli; kaka uabi ikuar kara mapodan: kaka nole uabi ikuar mokakalam gesep ikuar. Nole okasosok uaba nerkep, a nole geum.

Ioane 16:22

Peirdi, uaba nagri okasosok: kai iako uabi dasmer, ege uaba nerkep sererge, nole nerute le uabi sererge itker.

Ioane 16:33

Kaka uabi detager abele gaire lu, ueakai uaba mapodan nagri karielam. Uaba asiasi nagri geseb ge: ua ko saserim, kaka emetu geseb degmori.

Ioane 20:21

Iesu iako uiabi detager, kega, Mapodon uabim: kaka uabi namarida mokakalam Baba kare namarida.

Ioane 20:26

Gaire gerger eit iobaru, abara kaimeg giz muige meta, a Toma uiabim kemem. Gaire te emetu demare, Iesu batimedilu, a uiabim eipu ekueilu, a detager, kega, Mapodan uabim.

Ioane 21:1

Abele lu iobaru, Iesu iako tababu natomertare uiabim kaimeg giz, Tiberia keper ge; abele tonar tabara natomertare.

Ioane 21:14

Abele thri Iesu tababu natomertare uiabim kaimeg giz, keubu E eded akaida eudelam.

Ioane 7:13

Epe nole le abi paret kak detautare, uiaba Iudaia le giz geum.