Ioane 20:15 - Miriam Mer Gospels 1902

¹⁵ Iesu abi detaut, kega, Kosker, nalugem ma ezoli? ma niti deraimeri? E dikiapor E gedub paret arup le, E abi detaut, kega, Kole, ese mama abi egaret, kari natager abele uteb mama abi ikedi, ueakai kaka ko abi agaretelu.

Ioane 20:15 ပူးပေါင်းရင်းမြစ်များ

Mataio 12:34

Tabo ra omasker ae, uaba le au adud, nako uaba umele debe mer egali? Abelelam gaire lu le la nerkep ge, a ko te detaut.

Mataio 28:5

Abele angela uiabi detager neis kosker, kega, Uaba nole geum kak; abelelam kaka umele uaba deraimer Iesu le, emetu satauroem.

MAREKO 16:6

E uiabim detager, kega, Uaba azigmaret kak: uaba Iesu Nazareta le deraimer, abele le emetu satauroem; E iako eded akaida; E nole ike; dasmer abele uteb uiaba abi ikedi!

Luka 2:44

Ui ge dikiapore abele uerem uiabi okakis, ege uiaba ki gab ge asameilu; ui ge abi ge deraimerare taba boai giz pako uader umele abim.

Luka 24:5

Ege uiaba au geum, a uiaba op esorgiru sepem, ege uiaba detager, kega, Nalu uaba deraimer? E emetu eded akaid, nole uiabi kemem eud le giz,

Ioane 1:38

Iesu egreemalu, a darasmer ui darali abi irmili, a ui darali detagerei, kega, Nalu ua deraimerei? Ui natkalei abim, kega, Rabi (tonar, Ereuer le), ma nade emri?

Ioane 18:4

Iesu umele gaire lu ko abim tabarki, E maiem bakeamulu, a uiabim detager, kega, Netede uaba deraimerare?

Ioane 18:7

E iako uiabim eutumer, kega, Netede uaba deraimerare? Uiaba detaut, kega, Iesu Nazaret le.

Ioane 20:13

Uiaba abi detager, kega, Kosker, nalugem mama ezoli? E uiabim detaut, kega, Abelelam uiaba kara Opole egareda, kaka umer kak abele uteb uiaba abi ikedarare.