Ioane 2:23 - Miriam Mer Gospels 1902

²³ E Ierusalema ge abele uetpur ge paseka, abele gerger ge, gaire le abara nei odaratarare, abelelam uiaba dasmerare gaire abara atamelam E ikeli.

Ioane 2:23 ပူးပေါင်းရင်းမြစ်များ

Luka 8:13

Abele uader tumem neid ge, uiaba abole mer asoli, a sobkak sererege erpei; a uiaba nolea sip kak, a uiaba no neisi neisi gerger oituli, abele gerger mirem tabarki, uiaba sobkak bakesmeri.

Ioane 11:45

Iudaia giz Mariaem tabaruda dasmerare gaire lu Iesu de ikerer, uader abi oituli.

Ioane 2:11

Abele degraretelu gaire Iesu ra adigir, E ikerare abele Kana ge Galilaia, a abi zorom etomelu; abara kaimeg giz abi odaratarare.

Ioane 2:13

Iudaia ra paseka maike, a Iesu bakeamulu Ierusalamem.

Ioane 3:2

E ki ge Iesuim tabakeam, a abi detager, kega, Rabi, keriba umele ma ereuer le tarabu Adelam: abelelam nole nerute le umele ikeli abele gaire atamelam mama ikeli, ese Ade nole abi dog.

Ioane 4:45

E Galilaia tabarki, gaire Galilaia le abi egared, abelelam uiaba dasmer gaire lu E ikeli Ierusalema ge, abele uetpur ge; abelelam uiaba kemem uetpurim bakeam.

Ioane 5:36

Aule kara ageakarem tumem Ioane; abelelam gaire dorge Baba kari nakuar ko eseamuda, abele gaire dorge kaka ikeli, ko karim ageakarem, kega, Baba de kari namarida.

Ioane 6:14

Emetu gaire le dasmer abele atamelam Iesu de ikeli, uiaba detager, kega, Ageakar, perofeta idali, emetu detaut ko uatabu gesepem.

Ioane 6:2

Gaire le netate gedim abi irmili, abelelam uiaba dasmerare gaire atamelam E ekere, tumem gaire gim le.

Ioane 7:31

Gaire lekublam abi oituli; uiaba detager, kega, Ese Keriso tabarki, nako, E ko ikeli gaire atamelam tumem E ikeli?