Ioane 19:6 - Miriam Mer Gospels 1902

⁶ Gaire zogo tarim le, a gaire asesered le abi dasmer, uiaba elele ereretikri, kega, Satauroem, satauroem. Pilato uiabim detaut, kega, Ua abi egardare, a satauroem: abelelam kaka nole nerute uit ardar kak abi dog.

Ioane 19:6 ပူးပေါင်းရင်းမြစ်များ

Mataio 26:58

Epe Peteru muriz ge abi irmili, zogo le ra meta tabarki, a balu a emri kemem gaire memeg le, E lagelag erdali abele mop.

Mataio 27:22

Pilato uiabi etkalu, kega, Nalu lu kaka ikeli Iesuim, abele le nei atker Keriso? Ege uiaba uridili abi daratagerare, Abi satauroem.

Mataio 27:24

Pilato umele uiaba nole asoli abara mer, a uiaba au sasemi, E ekao abele ni abara tag dirup gaire le lakub ra opem, a uiabi kega, Kaka ogog kak abele barkak tonar le ra mam: uabu abele.

Luka 23:4

Pilato de uiabi daratagerare, zogozogo le, a le lakub, Kaka nole nerute uit lu ardar kak abi dog.

Ioane 18:3

Iuda taraisare gaire ares le, a gaire tarim le, uiabielam gaire zogo le, a gaire Faresaio, a kei tabarkare gaire lamepa kem, a gaire be kem, a gaire ares lu.

Ioane 18:31

Pilato uiabim detaut, kega, Uaba abi egardare, a abi eutumer abkoreb uaba gelar. Iudaia giz abi detaut, kega, Nole keribim abkoreb ko le ipit eumida:

Ioane 18:38

Pilato de abi detaut, kega, Nalu ageakar? Emetu abele detager, E iako osmeda uiabim gaire Iudaia le, a uiabim detager, kega, Kaka nole uit ardar kak abi dog.

Ioane 19:15

Uiaba elele ereretikri, kega, Egardare, egardare, abi satauroem. Pilato uiabi detager, kega, Nako, kaka uaba Opole satauroem? Gaire zogo tarim le etkalu, kega, Keriba nole opole kak, Kaisara tepteb.

Ioane 19:4

Pilato iako teosmelu, a uiabi detager, kega, Dasmer, kaka abi tegaret uabim, ueakai uaba dasmer kaka nole nerute uit ardar kak abi dog.