Ioane 19:30 - Miriam Mer Gospels 1902

³⁰ Emetu Iesu uinega erpeilu, E detager, kega, Eseemuda: E abara kerem esorgiru, a lamar emariklu.

Ioane 19:30 ပူးပေါင်းရင်းမြစ်များ

Mataio 20:28

Mokakalam Le la Uerem nole tabarki memeg le taraisare, a E uiaba memeg le, a ko ikuar abara eded bodomalam gaire le giz.

Mataio 27:50

Iesu ko au ereretikri, epe namarid tabara lamar.

Mataio 3:15

Iesu etkalu abim, kega, Ma no bapataiso karim, abelelam abkoreb meribim bakedida gaire gelar barkak uridili; E mena abi asoli.

MAREKO 15:37

Iesu emetu au ereretikri, Epe namarid tabara lamar.

Luka 22:37

Abelelam kaka uabi detagereda, kega, Debele karim ageakarem abele lu emetu detar, A okakis etag uader uit tonar le; abelelam pe gaire lu karim emetu detarda maike detomeret.

Luka 23:46

Ege Iesu au ereretikri, kega, Kara Ab, kaka mari ikuar karbara lamar mari tagem: E abele mer detaut, abara eud baruk.

Ioane 10:11

Kaka mamoe giz asesered le kar: abele le mamoro mamoe asesered, E abara eded ikuar uiabim mamoe giz.

Ioane 10:18

Nole nerute le itke karielam, kaka karbabu ikuar: kara adigir nagri ko kara eded ikuar, a kara adigir nagri iako takalu. Abele gelar kaka erpei kara Abalam.

Ioane 17:4

Kaka emetu mari naospili geseb ge, kaka emetu eseamuda abele dorge ma kari nakuar ko akere.

Ioane 19:28

Abele iobaru, Iesu umele, kega, Gaire lu uridili eseemuda. Ueakai jauali bakedida, E detager, kega, Kaka ni ap.

Ioane 4:34

Iesu uiabi detager, kega, Kara leuer ko ikeli abara lag, kari namarida, a ko eseamuda abara dorge.