Ioane 18:38 - Miriam Mer Gospels 1902

³⁸ Pilato de abi detaut, kega, Nalu ageakar? Emetu abele detager, E iako osmeda uiabim gaire Iudaia le, a uiabim detager, kega, Kaka nole uit ardar kak abi dog.

Ioane 18:38 ပူးပေါင်းရင်းမြစ်များ

Mataio 27:24

Pilato umele uiaba nole asoli abara mer, a uiaba au sasemi, E ekao abele ni abara tag dirup gaire le lakub ra opem, a uiabi kega, Kaka ogog kak abele barkak tonar le ra mam: uabu abele.

MAREKO 15:14

Pilato uiabim detagereda, kega, Nalu adud Eikeli? A uiaba elele ereretikri, kega, Abi satauroem.

Luka 23:4

Pilato de uiabi daratagerare, zogozogo le, a le lakub, Kaka nole nerute uit lu ardar kak abi dog.

Ioane 18:33

Pilato iako balu kot metaem, a Iesu dabgeri, a abi detager, kega, Nako, ma Iudaia giz ra Opole?

Ioane 19:4

Pilato iako teosmelu, a uiabi detager, kega, Dasmer, kaka abi tegaret uabim, ueakai uaba dasmer kaka nole nerute uit ardar kak abi dog.

Ioane 19:6

Gaire zogo tarim le, a gaire asesered le abi dasmer, uiaba elele ereretikri, kega, Satauroem, satauroem. Pilato uiabim detaut, kega, Ua abi egardare, a satauroem: abelelam kaka nole nerute uit ardar kak abi dog.