Ioane 18:37 - Miriam Mer Gospels 1902

³⁷ Pilato abi detager, kega, Nako, ma opole? Iesu detaut, kega, Ma detager kaka opole. Abelelam kaka naosmeda, abelelam kaka gesepem tarabu, ueakai kaka ko ageakar ageakarem. Gaire le uridili ageakalam kara kodo mer asoli.

Ioane 18:37 ပူးပေါင်းရင်းမြစ်များ

Mataio 26:64

Ege Iesu abi detager, Eko, mama detager; kaka uabi detager, Keubu uaba erdali Le la Uerem E emri tuter tag abele adigir kemer le, E ko tabakeam gaire kotor baz giz ge.

Mataio 27:11

Iesu ekueilu opole ra opem; abele opole abi itmer, kega, Nako mama Iudaia le giz ra Opole? Iesu abi etkalu, Eko, mama detager.

MAREKO 14:62

Iesu detaut, kega, Kakanali; uaba ko dasmer Le la Uerem adigir tuter tag emeri, a ko tabakeam gaire kotor baz giz ge.

MAREKO 15:2

Pilato abi eutumer, kega, Nako mama Iudaia le giz ra Opole? E abi detaut, kega, Eko mama detager.

Luka 22:70

Ui uridili abi detaut, kega, Nako mama Ade ra Uerem? E uiabi daratagerare, kega, Karim pe ua abele mer tegareda.

Luka 23:3

A Pilato abi itimer, kega, Nako ma Iudaia giz Opole? Ege E abim detaut, kega, Eko, mama detager.

Ioane 1:14

Logo depeger le gem ise, a E meribi dog emrilu, (a keriba abara zorom dasmerare, zorom mokakalam Aba ra Uerem netat,) mitkar omare, a ageakar.

Ioane 1:17

Abele gelar Mose de dekuarare, abele omare a ageakar tonar, Iesu Kerisolam.

Ioane 14:6

Iesu abi detaut, kega, Kaka gab, a ageakar, a eded; nole le Abem bakeam, ese nole gab kari dog.

Ioane 3:32

Abele lu E emetu dasmer a asoli, E ageakarem peik; a nole le abara ageakarem erpei.

Ioane 7:17

Ese nerute le lagelag abara lag ikeli, E ereuer akmer, nako Adelam, nako kaka detaut karbabu.

Ioane 8:14

Iesu uiabim detaut, kega, Ese karababu kari ageakarem, kara mer ageakar; abelelam kaka umele kaka nagelam, a kai na gedim bakeam; uaba nole umer kak kaka nagelam, a kai na gedim bakeam.

Ioane 8:45

Abelelam kaka ageakar detaut, uaba nole kari oatur kak.

Ioane 8:46

Nitide uabim kari uit natomerti? Ese kaka ageakar detaut, epe nako uaba nole kari oatur kak?

Ioane 8:47

Abele le Adelam, Ade ra mer asoli: uaba nole asor kak, abelelam uaba nole Adelam.