Ioane 18:28 - Miriam Mer Gospels 1902

²⁸ Uiaba Iesu Kaiafaelam tagaret kot metaem, abele banege. Uiaba nole barot abele kot meta, ueakai uiaba nole uit kak, ko paseka eroli.

Ioane 18:28 ပူးပေါင်းရင်းမြစ်များ

Mataio 27:27

Gaire ares le uiaba datkimoardare Iesu abele opole ra meta, a uiaba netate gedim abim gaire ares le uridili.

MAREKO 15:16

Gaire ares le abi kebi metaem tegared, nei Praitorio, a ares le nosik taraisare.

Luka 22:66

Ege gerger ge, gaire kerem le, abele ged ge, uiaba etami netat uteb, pako zogozogo le giz a aotale giz; epe uiaba abi egared uiabi opem, a kega,

Ioane 11:55

Iudaia giz ra paseka maike: gaire le bakeauare Ierusalemem ab gedelam ko kekiam tereiem, a keubu paseka.

Ioane 18:13

Kekiam uiaba abi tegaret Anaem; abelelam E Kaiafa ra naiuet, tarim zogo le abele urut ge.

Ioane 18:15

Simona Peteru, a nerute kaimeg giz abi irmilei: tarim zogozogo le opasereret abele nerute kaimeg giz, E Iesu dog balu tarim zogo le ra meta ge;

Ioane 18:33

Pilato iako balu kot metaem, a Iesu dabgeri, a abi detager, kega, Nako, ma Iudaia giz ra Opole?

Ioane 18:39

Epe uaba tonar ka ko uabim amariklu nerute le paseka kerker ge: nako, uaba lagelag ka ko uabim emarida Iudaia giz Opole?

Ioane 19:11

Iesu detaut, kega, Ese nole mari nakuar kotorlam, Ma nole adigir nagri kari tumge: abelelam au uit abele le kari nakuar marim.

Ioane 19:14

Kerker ge Paseka derser: mokakalam eipu gerger. E Iudaia giz detager, kega, Dasmer, uaba Opole!

Ioane 19:9

E iako kot meta balu, a Iesuim eutumer, kega, Ma na gedelam? Iesu nole abim etkalu.