Ioane 17:6 - Miriam Mer Gospels 1902

⁶ Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.

Ioane 17:6 ပူးပေါင်းရင်းမြစ်များ

Ioane 1:18

Nole le Ade asmer kak; epe abara Uerem tepteb taba Aba ra marmot, E etomeret.

Ioane 12:28

Baba, mabara nei despili. Ege kodo mer uatabu kotorlam, kega, Kaka emetu despili, kaka iako despili.

Ioane 15:19

Ese uaba geseplam, geseb ko lagelag abara boai: abelelam uaba nole geseplam, epe kaka uabi depegerare geseplam, abelelam geseb uabi derar.

Ioane 15:3

Uaba peirdi kerkar, kara merlam kaka uabi detager.

Ioane 15:7

Ese uaba kara nerkep ge bameri, a kara mer uabi nerkep ge tarageri, ua ko damsare gaire lu uaba lagelag, ueakai ikeli uabim.

Ioane 17:12

Kaka mena uiabi dog geseb ge, kaka uiabi nasesered mara nei ge: kaka uiabi nasesered mama kari nakuar, nole nerute abi kak, eud uerem tepteb abi; ueakai bakedida abele zogo mer emetu detali.

Ioane 17:14

Kaka emetu mara mer uiabim nakuarare; a geseb uiabi derarti, abelelam uiaba nole geseplam, mokakalam kaka nole geseplam.

Ioane 17:16

Uiaba nole geseb le, kara kaiser nole gesep le.

Ioane 17:2

Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.

Ioane 17:24

Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.

Ioane 17:26

Kaka emetu mara nei uiabim etomeret; kaka iako etomeret; ueakai omare nagri uiaba nerkep, abkoreb mama kari omare, a kaka muige uiaba nerkep ge.

Ioane 17:7

Peirdi, uiaba umele marielam gaire lu uridili ma kari nakuar:

Ioane 18:9

Ueakai bakedida abara mer, kega, Nole nerute le abi uiabielam mama kari nakuar.

Ioane 6:37

Ui uridili Baba de kari nakuar ko karim tabakeuare; abele le karim tabakeam, kaka nole abi atua kak.

Ioane 6:39

Baba ra lag peike, kari namarida, kega, Kaka nole nerute dekaerti, E kari nakuar, epe kaka ko ekiamda keubu gerger ge.

Ioane 8:51

Ageakar, ageakar, kaka uabi detager, kega, Ese nerute le kara mer asoli, E nole eud asmer kak niai karem.

Ioane 8:52

Iudaia giz abi detautare, Peirdi keriba umele mari dog demoni. Aberahama emetu eumida, pako gaire perofeta; a mama detager, kega, Ese nerute le kara mer asoli, E eud asmer kak niai karem.