Ioane 17:26 - Miriam Mer Gospels 1902

²⁶ Kaka emetu mara nei uiabim etomeret; kaka iako etomeret; ueakai omare nagri uiaba nerkep, abkoreb mama kari omare, a kaka muige uiaba nerkep ge.

Ioane 17:26 ပူးပေါင်းရင်းမြစ်များ

Ioane 14:20

Abele gerger uaba ko umele, kega, Kaka muige kara Aba, a uaba muige kari dog, a kaka muige uabi dog.

Ioane 14:23

Iesu abi detaut, kega, Ese le kari lag, E mena kara mer erpei: kara Baba ko abi lag, epe ki tabarki abim, a abi kemem emri.

Ioane 15:15

Kaka nole iako uabi detager uaba memeg le giz; abelelam memeg le umer kak abele lu abara opole ikeli: kaka detaut uaba kara boai; abelelem gaire lu uridili kaka asoli kara Abalam, kaka uabi detomeret.

Ioane 15:4

Uaba bameri kara nerkep ge, a kaka uabi nerkep ge emri. Mokakalam tam nole umer kak tababu turum, ese nole ekpi uina ge; a mokakalam uaba nole umer kak, ese nole kara nerkep ge bameri.

Ioane 15:9

Mokakalam Aba kari omare, abkoreb kaka uabi omare: kara omare ge niaiem tekue.

Ioane 17:23

Kaka muige uiabi nerkep ge, a mama muige kara nerkep ge, ueakai uiaba netat: ueakai gesep umele mama kari namarida, a uiabi omare, abkoreb mama kari omare.

Ioane 17:6

Kaka emetu mara nei etomeret uiabim gaire le mama kari nakuar geseplam: uiaba mara le, mama uiaba kari nakuar: uiaba emetu mara mer irmili.

Ioane 17:8

Abelelam kaka emetu uiabim ikuar gaire mer ma kari nakuar: uiaba emetu egaret, a uiaba umele marielam kaka nabue, a uiaba egaret, kega, Mama kari namarida.

Ioane 6:56

Abele le kara gem eroli, a kara mam ereli, E muige kara nerkep ge, a kaka abi nerkep ge.

Ioane 8:50

Kaka nole deraimer karababu naospereda: ege nerute le deraimer, a baraditug.