Ioane 17:24 - Miriam Mer Gospels 1902

²⁴ Baba, kaka lagelag uiaba mama kari nakuar ko kari kemem emri kara uteb ge; ueakai uiaba kara zorom dasmerare abele mama de kari nakuar; abelelam ma kari omare emeret, a nole geseb aker kak.

Ioane 17:24 ပူးပေါင်းရင်းမြစ်များ

Mataio 25:21

Abara opole abi detager, Au debele abele debe megmeg le ae, pako ageakar; ma ageakar abele uader kebi lu, kaka mari ikosi ko sirdam gaire au lu; ma tabakeam balu abele mara opole ra sererege.

Mataio 25:23

Ege abara opole abi detager, Au debele abele debe memeg le ae, pako ageakar; ma ageakar uader kebi lu, kaka mari ikosi ko sirdam gaire au lu; ma tabakeam balu abele mara opole ra sererege.

Mataio 25:34

Abele Opole uiabi detager uader le abara tuter tag, Uaba tabakeuare uaba emetu kara Aba uabi ikuar debe mer, uaba uteb abele baselaia, emetu derser uabim a nole detagem abele geseb ge:

Mataio 26:29

Kaka uabi detager, kega, Kaka nole aree kak abele uina turumlam, mena bakedida abele gerger kaka ko aree abele kerkar uaina uabi kemem kara Aba ra baselaia.

Luka 12:37

Abele memeg le giz uiaba uerkab, uiaba opole E erdali uiaba ikeli abkoreb mokakalam, a mamoro derser: Ageakar, kaka uabi detager, E abara uali dimiri, a uiabi detager, Meriba ero, E bakeamu uiaba memeg le.

Luka 23:43

Ege Iesu de abi detaut, kega, Ageakar, kaka mari detager, Abele gerger meriba obapit Paradaiso.

Ioane 1:14

Logo depeger le gem ise, a E meribi dog emrilu, (a keriba abara zorom dasmerare, zorom mokakalam Aba ra Uerem netat,) mitkar omare, a ageakar.

Ioane 12:26

Ese nerute le kara memeg le, abara dorge kari narmili; abele uteb kaka emri, kara memeg le la uteb dali: ese nerute le kari memeg le, Baba de abi despili.

Ioane 14:3

Ese ka nabakeamulu uteb derser uabim, kaka iako tarabue, uabi taisare karbabim: ueakai uaba kari kemem emri.

Ioane 15:9

Mokakalam Aba kari omare, abkoreb kaka uabi omare: kara omare ge niaiem tekue.

Ioane 17:2

Mokakalam mama abi sirdam ikuar tumem gaire le uridili, ueakai E ko uiabi ikuar eded aseamur kak, gaire le mama abi ikuar.

Ioane 17:22

Abele zoromzorom ma kari nakuar, kaka emetu uiabi nakuarare, ueakai uiaba netat, meribi koreb netat:

Ioane 17:5

Baba, peirdi, kari naospili mara kemem zorom ge meribielam emeret ge, nole geseb kak.

Ioane 6:37

Ui uridili Baba de kari nakuar ko karim tabakeuare; abele le karim tabakeam, kaka nole abi atua kak.

Ioane 6:39

Baba ra lag peike, kari namarida, kega, Kaka nole nerute dekaerti, E kari nakuar, epe kaka ko ekiamda keubu gerger ge.

Ioane 8:58

Iesu uiabim detaut, kega, Ageakar, ageakar, kaka uabi detager, Kakanali, Aberahama aosmer kak.